Нав Исус 1:18 - Коми Библия 2023

¹⁸ Мед лоӧ виӧма быдӧнӧс, коді кыпӧдчас тэныд паныд да оз кывзы тэнсьыд тшӧктӧмтӧ. Ло зумыд да повтӧм!»

Нав Исус 1:18 Referans Kwoze

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

1 Коринфӧ 16:13

Лоӧй дасьӧсь да зумыда эскӧй! Лоӧй вынаӧсь да повтӧмӧсь!

Ездра 10:4

Чеччы, тэныд колӧ тайӧс вӧчны. Ми тэкӧд. Вӧч повтӧг».

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Ӧксыяслӧн 1 небӧг 11:12

Сэки Израиль войтыр шуис Самуиллы: «Вайӧдӧй сійӧ йӧзсӧ, кодъяс шуасьлісны, мый Саул оз шогмы ӧксы туйӧ. Ми виам найӧс».

Лука 19:27

Менӧ мустӧмтысьясӧс, менам юралӧмлы паныд сувтысьясӧс вайӧдӧй татчӧ да виӧй найӧс менам син водзын”».

Индӧд 17:12

Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.

Нав Исус 1:17

Ми кутам кывзысьны тэнсьыд, кыдзи кывзысим Мӧисейлысь. Сӧмын мед Господь, тэнад Енмыд, лоас тэкӧд, кыдзи Сійӧ вӧлі Мӧисейкӧд.

Нав Исус 2:1

Ситтимсянь Навлӧн Исус пиыс гусьӧн мӧдӧдіс кык кыйӧдчысьӧс. Налы шуис: «Ветлӧй тӧдмавны Ханаан мусӧ да Ерикон карсӧ». Найӧ мунісны [Ериконӧ] да пырисны керкаӧ, кӧні оліс Раав нима кырсалысь ань. Найӧ узьмӧдчисны сы ордӧ.