Нав Исус 1:15 - Коми Библия 2023

¹⁵ кытчӧдз Господь, тіян Енныд, оз сет налы сійӧ мусӧ, кӧні найӧ кутасны тіян моз лӧня овны. Кор найӧ босьтасны аслыныс сійӧ мусӧ, ті верманныд бӧр локны асланыд муӧ, мый Мӧисей, Господьлӧн кесйӧг, сетіс тіянлы Йӧрдан ю таладорысь, асыввыв муысь».

Нав Исус 1:15 Referans Kwoze

Филипӧ 2:4

да тӧждысьӧ оз сӧмын ас вӧснаыс, тшӧтш мукӧдыс вӧсна.

Галатӧ 5:13

Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.

1 Коринфӧ 13:5

оз вӧч шогмытӧма, аслыс нинӧм оз курав, оз дӧзмы, оз казьтыв лёксӧ,

1 Коринфӧ 12:26

Сьӧкыдалӧ кӧ вир-яйлӧн ӧти юкӧн, сыкӧд тшӧтш сьӧкыдалӧ мукӧд юкӧныс. Ошкӧны кӧ вир-яйлысь ӧти юкӧн, сыкӧд тшӧтш нимкодясьӧ мукӧд юкӧныс.

Галатӧ 6:2

Нуӧй ӧта-мӧдныдлысь сьӧкыдсӧ, тадзи пӧртанныд олӧмӧ Кристослысь тшӧктӧмсӧ.

Индӧд 3:20

Кор Господь [Ен] тіянлы моз сетас вокъясныдлы лӧня овны, и найӧ босьтасны Йӧрдан сайысь мусӧ, мый Господь, тіян Енныд, сетас налы, сэки ті бӧр локтӧй сійӧ муас, мый ме сеті тіянлы”.

Нав Исус 1:1

Кор Мӧисей, Господьлӧн кесйӧг, куліс, Господь шуис Навлӧн Исус пилы, Мӧисейлӧн отсасьысьлы:

Нав Исус 1:14

Ӧні тіян гӧтырныд, ныв-пиныд да ыж-мӧсныд мед кольччасны тайӧ муас, мый Мӧисей сетіс тіянлы Йӧрдан таладорысь. А ті, кодъяс верманныд петны тышӧ, босьтӧй шыпуртнытӧ, да вокъясныд водзвылын вуджӧй Йӧрдан ю сайӧ. Отсалӧй вокъясныдлы,

Нав Исус 1:16

Найӧ вочавидзисны Исуслы: «Ми вӧчам ставсӧ, мый тшӧктан. Кытчӧ миянӧс мӧдӧдан, сэтчӧ ми и мунам.

Индӧд 3:18

Тайӧ чужанкотыръяслы ме шуи: ”Господь, тіян Енныд, сетіс тіянлы тайӧ мусӧ. Быдӧн, коді вермӧ петны тышӧ, мед босьтас шыпуртсӧ да мунас аслас вокъяс, Израиль пиян, водзвылын.

Индӧд 9:1

«Кывзы, Израиль! Ӧні ті вуджанныд Йӧрдан ю сайӧ, медым босьтны мусӧ войтыръяслысь, кодъяс тіян дорысь вынаӧсь да уна лыдаӧсь, кодъяслӧн ыджыд каръясыс сулалӧны зумыда да зурасьӧны енэжӧдз.

Нав Исус 22:1

Исус чукӧртіс Рувим да Гад чужанкотыръясӧс да Манассейлысь джын чужанкотырсӧ и шуис налы: