Наум 3:9 - Коми Библия 2023

⁹ Эфиопия да Египет вӧліны сылӧн ыджыд вынӧн, Пут да Ливия муясын олысьяс отсалісны сылы.

Наум 3:9 Referans Kwoze

Езекиль 30:5

Эфиопия, Ливия, Луд да Кув муясысь войтыр, Египетын олысь сорласьӧм войтыр да Менам йитӧдлӧн муысь локтӧм войтыр египетсаяскӧд ӧтвылысь шыпурт помысь куласны.

Езекиль 27:10

Персияысь, Лудысь да Ливияысь айулов кесъялісны тэнад тышкайӧз пӧвстын. Сайӧдъяснысӧ да юртупкӧдъяснысӧ найӧ ӧшлывлісны, медым тэ дзирдалін.

Езекиль 38:5

Накӧд лоӧны Персияысь, Эфиопияысь да Ливияысь сайӧда-юртупкӧда тышкайӧз,

Еремей 46:9

Рӧдтӧй, вӧвъяс, тӧвзьӧй, тарантасъяс! Петӧй тышӧ, вына шыпуртаяс, петӧй сайӧдъясӧн, эфиопияса да ливияса тышкайӧз, петӧй зэвтӧм ньӧввужъясӧн, лудса тышкайӧз!

Исай 20:5

Сэки повзясны да яналасны найӧ, кодъяс лача кутісны Эфиопия вылӧ да ошйысисны Египетӧн.

2 Каднебӧг 12:3

Египетысь Шишаккӧд локтісны квайтымын сюрс верзьӧма да лыдтӧм-тшӧттӧм тышкайӧз Ливияысь, Эфиопияысь да сукки войтырысь. Тышкайӧзлӧн вӧлі сюрс кыксё тарантас.

Олӧм 10:6

Хамлӧн вӧліны Куш, Мицраим, Фут да Ханаан пиян.

1 Каднебӧг 1:8

Хамлӧн вӧліны Куш, Мицраим, Фут да Ханаан пиян.

2 Каднебӧг 16:8

Эфиопияса да ливияса тышкайӧзлӧн вӧлі лыдтӧм-тшӧттӧм тарантас да верзьӧма, но Господь сетіс найӧс тэнад киӧ, ӧд тэ лача кутін Господь вылӧ.

Езекиль 31:2

«Морт пиӧй, висьтав фараонлы, египетса ӧксылы, да сылӧн уна лыда войтырлы: Тэ вына. Кодкӧд ӧткодявны тэнӧ?

Даниил 11:43

Сійӧ босьтас Египетысь зарни, эзысь да став мукӧд озырлунсӧ. Ливияса да эфиопияса войтыр сетчасны сылӧн кипод улӧ.

Езекиль 29:7

Кор Израиль войтыр кутчысис тэ дінӧ, тэ чегин да сатшин сылы пельпомас. Кор сійӧ мыджсис тэ вылӧ, тэ чегин, а сылӧн коскыс орис.