Наум 3:19 - Коми Библия 2023

¹⁹ Тэнсьыд дойястӧ некод оз бурдӧд, найӧ ёна висьӧны. Тэ йылысь юӧрсӧ кылысьяс кутасны клопайтны, ӧд унаӧн тӧдлісны тэнсьыд куслытӧм скӧрлунтӧ.

Наум 3:19 Referans Kwoze

Микей 1:9

Самариялӧн дойыс бурдлытӧм, сійӧ вуджас Иуда муӧдз, менам войтырлӧн дзиръяӧдз, воас Ерусалим карӧдз.

Бӧрданкыв 2:15

Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Иов 27:23

Тайӧс аддзылысь шлопнитас кинас, пондас сы вылын шутьлялӧмӧн серавны.

Еремей 46:11

Египет ныв, мун Галаадӧ, вай сэтысь бурдӧдчан вый. Но весьшӧрӧ тэ дасьтан бурдӧдчанторъяс, тэнад дойыд оз бурд.

Исай 37:18

Господьӧй, збыльысь, ассурса ӧксыяс бырӧдісны войтыръясӧс да куштісны налысь муяссӧ,

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 17:2

Мувывса ӧксыяс кырсалісны сыкӧд, а мувывса олысьяс винаысь моз коддзылісны сылӧн кырсалӧмысь».

Восьтӧм 13:7

Сылы вӧлі сетӧма тышкасьны вежа войтыркӧд да вермыны найӧс. Сылы вӧлі сетӧма ыджыдавны быд чужанвуж да чужанкотыр вылын, быд кыла йӧз да быд войтыр вылын.

Езекиль 25:6

Господь Ыджыдыс тадзи висьталӧ: ті клопайтӧмӧн, чеччалӧмӧн да лёкӧдӧмӧн нимкодясинныд сыысь, мый суис Израиль муӧс.

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 30:12

Господь тадзи висьталӧ: – Тэнад дойыд оз бурд, тэ чорыда доймалӧмыд.

Исай 37:11

Тэ ӧд тӧдан, ассурса ӧксыяс мый вӧчисны став муясыскӧд – дзикӧдз бырӧдісны найӧс. Тэ чайтан, мый тэ мездман?

Иона 1:2

«Мун Ниневияӧ, тайӧ ыджыд карас, да юӧрт сэні йӧзыслы, мый Ме мыжда найӧс. Налӧн лёк вӧчӧмъяс йылысь юӧрыс воис Менам пельӧдз».