Наум 2:9 - Коми Библия 2023

⁹ Куштӧй сылысь эзысь-зарнисӧ! Сылӧн озырлуныс лыдтӧм-тшӧттӧм, весиг лыддьынысӧ он вермы.

Наум 2:9 Referans Kwoze

Даниил 11:8

Налысь енъяссӧ, бӧлбанъяссӧ да эзысь-зарниысь вӧчӧм дона дозмук-кӧлуйсӧ сійӧ босьтас аскӧдыс да нуас Египетӧ. Та бӧрын некымын во чӧж сійӧ оз петавлы тышӧ войвывса ӧксылы паныд.

Езекиль 26:12

Вавилонсаяс мырддяласны тэнсьыд озырлунтӧ да эмбуртӧ. Найӧ жугласны карса стентӧ да мича керкаястӧ, саридзӧ шыблаласны изъястӧ, керъястӧ да весиг мутӧ.

Еремей 51:56

Куштысь-бырӧдысь уськӧдчас Вавилон вылӧ, вавилонса тышкайӧзӧс лоӧ босьтӧма, налысь ньӧвъяссӧ лоӧ чегъялӧма, ӧд Господь – водзӧс перйысь Ен, Сійӧ мынтысяс налы.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Исай 33:4

Сійӧ, мый найӧ мырддялісны тыш дырйи, налысь йирасны лёльӧ моз, сы вылӧ уськӧдчасны саранча моз.

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Восьтӧм 18:12

Оз босьтны налысь зарнисӧ, эзысьсӧ, дона изъяс да жемчугъяс, шабді да шӧвк дӧраяс, пемыдгӧрд да чим гӧрд рӧма дӧраяс и чӧскыд дука пуяс. Оз босьтны налысь слӧн лыысь, дона пуысь, ыргӧнысь, кӧртысь да мраморысь вӧчӧмторъяс.

Восьтӧм 18:16

– Курыд шог тэныд, ыджыд кар! Тэ вӧлі пасьтасьӧмыд шабді дӧраӧ, пемыдгӧрд да чим гӧрд рӧма паськӧмӧ. Тэнӧ вӧлі мичмӧдӧма зарниӧн, дона изъясӧн да жемчугӧн!

Еремей 46:5

Но мый Ме аддза? Найӧ повзьӧмаӧсь, бӧр бергӧдчӧны, налысь вына шыпуртаяссӧ пасьвартӧмаӧсь. Найӧ пышйӧны, бӧрлань оз видзӧдны, найӧс быд боксянь повзьӧдлӧны, – висьталӧ Господь. –

Наум 3:17

Тэнад чина йӧзыд – саранча мында, тэнад тышкайӧзӧн веськӧдлысьясыд – геб мында. Кӧдзыд дырйи найӧ дзебсьӧны стен костӧ, а кор петӧ шондіыс, найӧ лэбзьӧны, и он нин тӧд, кӧнӧсь найӧ.