Наум 2:8 - Коми Библия 2023

⁸ Ниневия водзысяньыс вӧлі вайӧртӧд кодь, но ӧні сэтысь ваыс пышйӧ. «Сувтӧй, сувтӧй!» – горзӧны, но некод оз бергӧдчыв.

Наум 2:8 Referans Kwoze

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.

Восьтӧм 17:1

Ме дінӧ матыстчис андел. Сійӧ вӧлі на пӧвстысь, кодъяслӧн вӧлі сизим чашаыс. Сійӧ шуис меным: «Лок татчӧ, ме петкӧдла тэныд, кутшӧм мыждӧм виччысьӧ ваяс дорын пукалысь аньӧс, коді ёна кырсаліс.

Наум 3:17

Тэнад чина йӧзыд – саранча мында, тэнад тышкайӧзӧн веськӧдлысьясыд – геб мында. Кӧдзыд дырйи найӧ дзебсьӧны стен костӧ, а кор петӧ шондіыс, найӧ лэбзьӧны, и он нин тӧд, кӧнӧсь найӧ.

Еремей 51:30

Вавилонса тышкайӧз дугдісны тышкасьны, найӧ пукалӧны асланыс изкаръясын. Найӧ вынтӧммисны, лоины аньяс кодьӧсь. Налысь керкаяснысӧ сотӧма, дзиръя иганъяссӧ жуглӧма.

Еремей 50:16

Бырӧдӧй Вавилонысь нянь кӧдзысьясӧс, бырӧдӧй чарлаӧн вундысьясӧс. Дзескӧдысьлӧн шыпуртысь быдӧн мед бергӧдчас аслас войтыр дінӧ, пышъяс аслас муӧ.

Еремей 46:5

Но мый Ме аддза? Найӧ повзьӧмаӧсь, бӧр бергӧдчӧны, налысь вына шыпуртаяссӧ пасьвартӧмаӧсь. Найӧ пышйӧны, бӧрлань оз видзӧдны, найӧс быд боксянь повзьӧдлӧны, – висьталӧ Господь. –

Исай 48:20

Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Исай 47:13

Тэ мудзӧмыд нин помтӧм туйдӧдӧмысь. Сідзкӧ, мед локтасны енэжсӧ туялысь-видзӧдысьяс да кодзув серти туналысьяс, выль тӧлысь серти найӧ мед висьталасны тэныд лоанасӧ. Мед найӧ мездасны тэнӧ сыысь, мый шуӧма лоны тэкӧд.

Исай 13:14

Сэки пышйысь газель моз, эновтӧм ыжъяс моз быдӧн бергӧдчас аслас войтыр дінӧ, котӧртас аслас муӧ.

Олӧм 10:11

Сэтысь Нимрод вуджис Ассурӧ, лэптіс Ниневия, Реховот-Ир да Калах каръяс.

Еремей 51:13

Вавилон, тэ олан уна ва дорын, тэнад эм уна озырлун, но регыд тэныд воас пом, воас пом тэнад горшасьӧмлы.

Еремей 47:3

Вӧвъяслӧн рӧдтӧм шыысь, тарантасъяслӧн гольгӧмысь, гӧгыльяслӧн гора шыысь батьяс весьӧпӧрасны, найӧ дугдасны тӧждысьны асланыс челядь вӧсна.

Наум 1:1

Ниневия йылысь водзвыв висьталӧм. Элкошысь Наумлы Енсянь восьтӧм йылысь небӧг.

Исай 38:14

Ме курликті тури моз, чивзі чикыш моз, гажтӧмтчи гулю моз, син мудзтӧдз видзӧді енэжас. Господьӧй, ме сьӧкыдала, отсав меным!

Исай 59:11

Ми ставным равзам ошъяс моз, курксам гулюяс моз. Ми виччысям веськыда мыждӧмсӧ, но сійӧ абу, виччысям мездмӧмсӧ, но сійӧ ылын миянысь.