Наум 2:10 - Коми Библия 2023

¹⁰ Ниневия карӧс куштӧма-бырӧдӧма. Сьӧлӧмъяс висьӧны, пидзӧсъяс тіралӧны. Дойысла йӧзыс куснясьӧны, налӧн чужӧмныс быгалӧма.

Наум 2:10 Referans Kwoze

Йоиль 2:6

Найӧс аддзӧмысь войтыръяс тіралӧны, йӧзыслӧн чужӧмныс быгалӧма.

Даниил 5:6

ёна повзис, чужӧмыс сылӧн кельдӧдіс, кокыс лигышмуніс, пидзӧсыс пондіс дзӧрны.

Еремей 30:6

Мӧвпыштлӧй да гӧгӧрвоӧй: айморт ӧмӧй вермӧ чужтыны? Но Ме аддза, мый кага чужтысь ань моз айулов кутчысьӧмаӧсь кынӧманыс, налӧн чужӧмныс быгалӧма.

Исай 24:1

Со, Господь куштӧ мусӧ, бырӧдӧ сэні олысьясӧс, тшыкӧдӧ муыслысь чужӧмбансӧ, разӧдӧ му вылын олысьясӧс.

Исай 21:3

Тайӧс аддзылӧмысь менам пытшкӧсӧй кутіс дзӧрны, сьӧкыд дойяс топӧдісны менӧ кага чужтысьӧс моз. Ме шӧйӧвоши сыысь, мый кывлі, менӧ полӧм босьтіс сыысь, мый аддзывлі.

Софоний 3:6

– Ме бырӧді войтыръясӧс, налысь изкаръяссӧ жугӧдӧма-пазӧдӧма. Ме кушті налысь туй вывъяссӧ, ветлысь-мунысьыс сэні эз коль. Налысь каръяссӧ кисьтӧма-пазӧдӧма, эз ло сэні олысьыс, эз коль весиг ӧти морт.

Наум 3:7

Тэнӧ аддзысьяс пышъясны тэ дінысь да шуасны: «Ниневия карӧс бырӧдӧма!» Некод оз кут бӧрдны сы вӧсна, некод оз бурӧд сійӧс.

Еремей 51:62

да шу: Господьӧй, Тэ шуин тайӧ муыс йылысь, мый татчӧ оз коль морт ни ыж-мӧс, и сійӧ пыр кежлӧ лоӧ овтӧминӧн.

Исай 14:23

Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.

Нав Исус 2:11

и тайӧс кылӧм бӧрын миянӧс полӧм босьтіс. Ӧні миян пӧвстысь некод оз лысьт сувтны тіянлы паныд, ӧд Господь, тіян Енныд, эм енэжас и му вылас ыджыдалысь Ен.

Олӧм 1:2

Муыс вӧлі мыгӧртӧм да куш, пыдӧстӧм йир весьтын вӧлі пемыд, и Енлӧн Лов шлывъяліс ва весьтын.

Нав Исус 7:5

Гайын олысьяс вӧтӧдісны найӧс карса дзиръя дорсяньыс Севаримӧдз, а сэні керӧсысь лэччиганыс виисны комын квайт израильса мортӧс. Израильсаяс дзикӧдз ловнас усисны.

Еремей 8:21

Менам войтырлӧн дойясыс вайӧны меным дой, менам сьӧлӧмӧй шогсьӧ, полӧмыс топӧдӧ менӧ.

Еремей 49:23

Дамаск йылысь. – Хамат да Арпад каръясын олысьяс шӧйӧвошӧмаӧсь лёк юӧр кылӧмысь, полӧмнысла найӧ саридз моз шызьӧмаӧсь, оз вермыны лӧньнысӧ.

Езекиль 21:7

И кор найӧ юаласны тэнсьыд, мыйла тэ ойзан-бӧрдан, налы шу, мый локтана юӧръяс вӧсна бӧрдан. Сэки сьӧлӧмъяс пондасны тіравны, кияс лёткысясны, пидзӧсъяс дзӧрмасны-лигышмунасны. Быд морт весьӧпӧрас. Тайӧ збыльмас, – висьталӧ Господь Ыджыдыс».

Езекиль 31:15

Господь Ыджыдыс тадзи висьталӧ: тайӧ сус пуыслысь пыдӧстӧминӧ мунан лунсӧ Ме вӧчи бӧрдан лунӧн. Ме тупки пыдӧстӧм йир да сувтӧді сылӧн валысь визувтӧмсӧ, и ваыс дугдіс визувтны. Ме пасьтӧді Ливанӧс сьӧд пемыдас, медым сійӧ шогаліс сус пуыс вӧсна. Став вӧрса пуыс косьмис сус пу вӧсна шогсигӧн.

Наум 2:2

Господь бӧр бергӧдас Яков рӧдлы нималӧмсӧ, бергӧдас Израиль войтырлы нималӧмсӧ, кӧть мырддялысьяс куштісны сійӧс, талялісны сылысь виноград йӧрсӧ.