Наум 1:5 - Коми Библия 2023

⁵ Сы водзын дзӧрӧны керӧсъяс, тіралӧны мылькъяс. Муыс тіралӧ Сы водзын, дзӧрӧны муюгыдыс да став сэні олысьыс.

Наум 1:5 Referans Kwoze

Микей 1:4

Сы кок улын керӧсъяс сыласны ӧзъялысь сись моз, ковтысъяс воссясны кыркӧтшсянь визувтысь ва моз.

Еремей 4:24

Видзӧдлі керӧсъяс вылӧ, а найӧ сыркакылісны, став керӧсъясыс дзӧрисны-тіралісны.

Ӧксыяслӧн 2 небӧг 22:8

Муыс сыркмунліс да вӧрзис, енэжсӧ пыкысь керӧсъяс кыпмунлісны да вешйисны места вывсьыс, сэтшӧма скӧрмис Господь.

Аввакум 3:10

Тэнӧ аддзӧмысь керӧсъяс вӧрзьӧны, сувтса зэр енэжсянь ыльӧбтӧ, пыдӧстӧм ваыс равӧстӧ, ассьыс ыджыд гыяссӧ кыпӧдӧ.

Псалтыр 68:8

Тэ вӧсна менӧ лёкӧдӧны, менам чужӧмӧй сотчӧ.

Ёрдысьяс 5:5

Господь водзын керӧсъяс дзӧрисны, Израильлӧн Господь Ен водзын весиг Синай керӧс вӧрис.

Псалтыр 114:6

Господь видзӧ восьса сьӧлӧмаясӧс. Кор ме вынтӧмми, Сійӧ отсаліс меным.

Псалтыр 114:4

Сэки ме шыаси Господь дінӧ: «Господьӧй, мезды менӧ!»

Псалтыр 98:7

Сійӧ сёрнитіс накӧд кымӧр сюръя пытшсянь. Найӧ видзисны Сылысь индӧд-тшӧктӧмсӧ.

Псалтыр 46:6

Гажӧдчан шы улӧ Господь Ен пуксис юралан пуклӧсӧ, буксан шы улӧ Сійӧ пуксис юравны.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

Матвей 28:2

Виччысьтӧг муыс ёна вӧрзис: Господьлӧн андел лэччис енэжсяньыс. Сійӧ вештіс изсӧ пыранінсьыс да пуксис сы вылӧ.

Матвей 27:51

Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны.

Восьтӧм 6:14

Енэжыс гартыштчис тубрасӧ да саяліс, а керӧсъяс да діяс вешйисны асланыс местаысь.

Псалтыр 18:7

Сійӧ кытшовтӧ енэжсӧ помсянь помӧдзыс, и сылӧн шоныдыс быдӧнӧдз воӧ.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 24:1

Со, Господь куштӧ мусӧ, бырӧдӧ сэні олысьясӧс, тшыкӧдӧ муыслысь чужӧмбансӧ, разӧдӧ му вылын олысьясӧс.

Исай 24:20

Муыс катласьӧ код юра моз, лайкъялӧ тӧлӧн вӧрӧдӧм чом моз. Мусӧ личкӧ мувывса олысьяслӧн мыжыс, сійӧ усяс, и сэсся оз нин чеччы.

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

Закар 4:7

Коді тэ, джуджыд керӧсӧй? Шыльӧдӧм муӧн тэ лоан Зоровавель водзын. Йӧзлӧн гораа ошкигтырйи сійӧ пуктас крамлы пельӧс изсӧ.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Иов 9:5

Виччысьтӧг Сійӧ вештӧ керӧсъяс, Аслас скӧрлунӧн путкыльтӧ найӧс.

Иов 26:11

Енэжсӧ пыкысь сюръяяс дзӧрӧны, Енлӧн горӧдӧмысь найӧс полӧм босьтӧ.

Псалтыр 18:8

Господьлӧн Индӧдыс тырвыйӧ бур, ёнмӧдӧ ловтӧ. Господьлӧн туйдӧдӧмыс эскӧдана, вежӧрсьӧдӧ мывкыдтӧмӧс.

Псалтыр 104:32

Зэр пыдди Сійӧ мӧдӧдіс налы шер, ыпъялысь би мӧдӧдіс налӧн му вылӧ.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Езекиль 38:20

Саридзса черияс, енэжвыв лэбачьяс, мувыв пемӧсъяс да гаг-веглясьысьяс да му вылын олысь став йӧзыс Ме водзын кутасны тіравны. Керӧсъяс усясны, кыртаяс зымгысясны, стенъяс киссясны.

Амос 9:5

Ыджыдыс, Господь Саваоф, инмӧдчӧ муас, и муыс вӧрзьылӧ, сэтчӧс став олысьыс бӧрддзӧ. Муыс кыптылӧ Нил моз, ляпкалӧ египетса ю моз.