Микей 7:2 - Коми Библия 2023

² Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Микей 7:2 Referans Kwoze

Псалтыр 12:1

Сьылысьясӧн веськӧдлысьлы. Давидлӧн псалом.

Исай 57:1

Веськыда олысь кулӧ, и некод оз босьт тайӧс сьӧлӧмас. Вежавидзысь йӧз мунӧны мӧдаръюгыдас, и некод оз мӧвпыштлы та йылысь. Веськыда олысь ылыстчӧ лёксьыс,

Еремей 5:26

Менам войтыр пӧвстын эмӧсь лёк вӧчысьяс, лэбач бӧрся моз найӧ кыйӧдчӧны, октӧны лэчьяс да кыйӧны йӧзсӧ.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Шусьӧгъяс 1:11

да шуны: «Мунам миянкӧд, кыйӧдам да виам мыжтӧмӧс,

Еремей 16:16

Ме мӧдӧда уна чери кыйысьӧс, – висьталӧ Господь, – найӧ пондасны чериӧс моз кыйны Иуда войтырӧс. Сэсся мӧдӧда уна вӧралысьӧс, кодъяс пондасны вӧтлыны найӧс керӧсъяс да мылькъяс вылысь, тшӧтш кырта потасъясысь.

Ӧксыяслӧн 1 небӧг 24:11

Тэ аслад синмӧн аддзан, мый талун изкыртаас Господь сетіс тэнӧ менам киӧ. Йӧзӧй корисны вины тэнӧ. Но ме бурсьӧлӧмтчи тэ дінӧ, шуи, мый ог лэпты киӧс аслам ыджыд вылӧ, ӧд сійӧ – Господьлӧн мавтыштӧм морт.

Микей 3:10

Вир отсӧгӧн кыпӧданныд Сион, ылӧдчӧмӧн – Ерусалим.

Бӧрданкыв 4:18

Дзескӧдысьяс кыйӧдісны миянлысь быд воськов, ми полім весиг ывлаӧ петны. Пом воис миянлы, олан лунъяснымӧс миянлысь лыддьӧма.

Еремей 5:16

Тайӧ войтырыс – вына тышкасьысьяс, налӧн ньӧвъясысь ті веськаланныд гуӧ.

Шусьӧгъяс 12:6

Лёк вӧчысь вермӧ кывнас вины, а веськыда сёрнитысьӧс кывйыс мездӧ.

Псалтыр 57:6

Пельтӧм змей оз кыв нимкыв лыддьысьлысь гӧлӧс шысӧ, кимӧститчысьлысь мича кывъяссӧ.

Ӧксыяслӧн 1 небӧг 26:20

Менам вирӧй мед оз киссьы Господьысь ылын. Мыйла израильса ӧксы петӧма корсьны кутшӧмкӧ пытшӧс, вӧтлысьӧ керӧсъясӧд быттьӧ байдӧг бӧрся?»

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Еремей 8:6

Ме сюся кывза найӧс, но збыльсӧ найӧ оз висьтавны, некод оз каитчы аслас лёк вӧчӧмысь, некод оз шу: «Мый нӧ ме вӧчи!» Тышӧ петысь вӧв моз быдӧн котӧртӧ аслас туйӧд.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Езекиль 24:6

Господь Ыджыдыс тадзи висьталӧ: – Курыд шог вир кисьтысь карлы! Курыд шог пӧртйыслы, кодлӧн пытшкӧсыс няйтысла пурзьӧма. Перъяв пӧртсьыс яйтор бӧрся яйтор, эн пудъясь да эн бӧрйысь.

Осий 5:1

– Кывзӧй, попъяс! Сюся кывзы, Израиль войтыр! Пельнытӧ чошкӧдӧй, ӧксы да тэнад котырыд! Тіянӧс лоӧ веськыда мыждӧма, ӧд ті вӧлінныд налькйӧн Миспаын, паськӧдӧм тывйӧн Тавор керӧсын.

Микей 2:8

Ті вӧлінныд Менам войтырӧн, но сувтінныд Меным паныд. Ті мырддялінныд вылыс и улыс паськӧмсӧ тыш вылысь локтысьяслысь, повтӧг тіян муӧд мунысьяслысь.

Микей 3:2

Но ті мустӧмтанныд бурсӧ, а лёксӧ радейтанныд. Ті йӧзыслысь кучиксӧ кулянныд, лы вылас весиг яйсӧ онӧ кольӧй.

Закар 11:6

И Ме ог нин бурсьӧлӧмтчы тайӧ муас олысьяс дінӧ, – висьталӧ Господь. – Ме сета найӧс ӧта-мӧдныслӧн киӧ да ӧксыныслӧн кабыр улӧ. Найӧ пасьясны-куштасны ассьыныс мусӧ, и Ме некодӧс ог мезды налӧн киысь».

Псалтыр 12:2

Господьӧй, гашкӧ, Тэ дзикӧдз вунӧдін менӧ? Дыр-ӧ Тэ кутан тупкыны меысь Ассьыд чужӧмбантӧ?

Исай 3:5

Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Осий 6:9

Кыдзи мырддялысь-пазӧдысьяс кыйӧдӧны да виалӧны ветлысь-мунысьясӧс, тадзи жӧ попъяс вӧчӧны Сикемӧ мунан туй вылын, и тайӧ – зывӧктана.

Ап. уджъяс 24:9

Иудейяс сэні тшӧтш шуисны, дзик тадзи пӧ ставыс вӧлі.