Микей 7:14 - Коми Библия 2023

¹⁴ Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Микей 7:14 Referans Kwoze

Микей 5:4

И локтас Сійӧ, коді кутас видзны Господь вынӧн, Аслас Господь Енлӧн медыджыд нимнас. Найӧ кутасны повтӧг овны, ӧд Сійӧ кутас ыджыдавны став му пасьтала.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Исай 37:24

Аслад кесъялысьяс пыр тэ омӧльтін Господьӧс. Тэ шуин: ”Аслам уна лыда тарантасъясӧн ме кайи джуджыд керӧсъяс вылӧ, ливанса керӧсъяс йылӧдз. Ме кералі сылысь гырысь сус пуяссӧ, пӧрӧді медбур кипарисъяссӧ. Ме кайи сылӧн медджуджыд керӧсӧдз, пыралі сылӧн медпыді раскӧдз.

Псалтыр 100:3

Став шогмытӧмсӧ ме ылыста аслам син водзысь, лёк вӧчӧмсӧ ме мустӧмта, сійӧ оз ляксьы ме дінӧ.

Псалтыр 95:7

Войтыръяс, кыпӧдӧй ошкӧм Господьлы, ошкӧй-нимӧдӧй Господьӧс,

Псалтыр 28:9

Господьлӧн гӧлӧс шыысь вайсьӧны кӧръяс, Сылӧн гӧлӧс шыысь кушмӧны вӧръяс. Сылӧн крамын ставныс гораа шуалӧны: «Ошкӧм Сылы!»

Иоан 17:16

Найӧ Ме моз абу тайӧ муюгыдсьыс.

Матвей 2:6

– Иуда муын Виплием кар, Иудалӧн мукӧд юрнуӧдан каръясысь тэ абу ичӧтджык. Виплием карысь петас Юралысь, Менсьым ыжъясӧс, Израиль войтырӧс, Сійӧ видзны кутас».

Малакий 3:4

Сэки Иуда войтырлӧн висьясыс, Ерусалимын олысьяслӧн вайӧмторъясыс важ мозыс лоӧны шогманаӧсь Господьлы.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Бӧрданкыв 5:21

Господьӧй, бергӧд миянӧс Асланьыд, и ми бергӧдчам. Бара сет миянлы важ кодь лунъяс.

Исай 65:10

Менам войтырлы, коді корсьысьӧ Менӧ, Шарон ласта лоӧ ыжъяслы йирсянінӧн, Акор ковтыс – мӧсъяслы шойччанінӧн.

Исай 35:2

Сійӧ пондас мичаа дзоридзавны, нимкодясьны да долыда гажӧдчыны, пондас нимавны Ливан моз, лоӧ Кармил керӧс да Шарон ласта кодь мича. Став йӧзыс аддзасны Господьлысь дзирдлунсӧ, миян Енлысь вынсӧ.

Псалтыр 143:5

Господьӧй, доровт енэжсӧ да лэччы! Инмӧдчы керӧсъясӧ, и найӧ пондасны тшынавны.

Индӧд 33:28

Израиль повтӧг олӧ, Яковсянь чужысьяс лӧня олӧны сійӧ муас, кӧні быдмӧ уна нянь да визувтӧ вина, кытчӧ енэжсянь лысва лэччӧ.

Лыд 23:9

Изкырта вывсянь ме аддза найӧс, керӧс вывсянь видзӧда на вылӧ. Со, тайӧ войтырыс олӧ торйӧн, асьсӧ мукӧд войтыръяс лыдӧ оз пырт.

Петӧм 33:16

Мый серти ми тӧдмалам, мый Тэ бур сьӧлӧма ме дінӧ да Аслад войтырыд дінӧ? Ог-ӧ сы серти, мый Тэ миянкӧд мунан? Ӧд сэки тыдовтчас, мый Тэ торйӧдін менӧ да Ассьыд войтыртӧ став мукӧд войтырсьыс».

Бӧрданкыв 1:7

Коньӧр туйын олігӧн да оланінтӧг колигӧн Ерусалимлы тӧд вылас уси став бурыс, мый сылӧн водзынсӧ вӧлі. Войтырыс кулӧ дзескӧдысьлӧн киысь, Ерусалимлы некод оз отсав. Дзескӧдысьяс сералӧмӧн видзӧдӧны, кыдзи сійӧс бырӧдӧны.

Левит 27:32

Ыж-мӧссӧ арталігӧн пемӧс кутысь мед сиас Господьлы быд дасӧд пемӧссӧ.

Сьылан 4:1

– Кутшӧм мича тэ, мусаӧй, тэ мичасьыс-мича! Чужӧмвевттьӧд улад синмыд гулю кодь, юрсиыд Галаад керӧс вывсянь лэччысь кӧза чукӧр кодь.

Еремей 49:31

Вавилонсаяс, чеччӧй, тышӧ петӧй Хацорын олысьяслы паныд, кодъяс олӧны лӧня да повтӧг, – висьталӧ Господь. – Налӧн абу дзиръяяс, абу иганъяс, найӧ олӧны мукӧдысь торйӧн.

Езекиль 36:11

Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.

Лыд 32:1

Рувим да Гад пиянлӧн вӧлі зэв уна ыж-мӧс. Найӧ аддзисны, мый Язер да Галаад муясын эмӧсь бур йирсянінъяс.

Исай 27:13

Сійӧ лунӧ ыджыд буксан букӧстас, сэки бӧр локтасны Ассур муӧ вошлӧмаяс да Египет муӧ вӧтлӧмаяс. Ерусалимын, вежа керӧс вылын, найӧ ставныс копыртчасны Господь водзӧ.

Авдий 1:19

Негевын олысьяс босьтасны Исав керӧс, керӧсбердса муын олысьяс босьтасны Филистим му. Иуда войтыр босьтас Ефрем да Самария муяс, Венямин чужанкотыр босьтас Галаад му.

Закар 10:10

Ме бӧр вайӧда найӧс Египетысь, чукӧрта найӧс Ассурысь. Ме овмӧда найӧс Галаад муӧ да Ливанӧ, но весиг сэні налы оз кут тырмыны оланіныс.

Закар 11:7

Вузасьысьяс медалісны менӧ, медым ме видзи начкыны шуӧм ыжъясӧс. Ме босьті кык бедь, ӧтиыслы сеті Буралӧм ним, мӧдыслы – Ӧтувъялун ним. Наӧн ме видзи ыжъясӧс.