Микей 7:12 - Коми Библия 2023

¹² Сэки тіян дінӧ локтасны Ассурысь да египетса каръясысь йӧз, кодъяс олӧны Египетсянь да Ефрат юӧдз, саридз дорсянь да саридз дорӧдз, керӧсъяссянь да керӧсъясӧдз.

Микей 7:12 Referans Kwoze

Осий 11:11

повзьӧдӧм лэбачьяс моз найӧ жбыркнитасны Египетысь, гулюяс моз – Ассур муысь. Ме овмӧда найӧс асланыс керкаясӧ, – висьталӧ Господь.

Исай 11:16

Сэні лоӧ Ассурысь петан паськыд туй Господьлӧн коляс войтырлы, кыдзи вӧлі Израиль войтырлы Египетысь петігӧн.

Езекиль 37:21

да шу, мый Господь Ыджыдыс тадзи висьталӧ: Ме босьта Израиль пиянӧс мукӧд войтыръяс пӧвстысь, чукӧрта найӧс быдлаысь да бӧр вайӧда асланыс муӧ.

Езекиль 29:21

Сійӧ лунӧ Ме выльысь ёнмӧда Израиль войтырӧс. Тэныд, морт пиӧй, Ме сета сёрнитны на водзын. Сэки найӧ тӧдмаласны, мый Ме – Господь».

Еремей 31:8

Ме вайӧда Ассьым войтырӧс войвыв муысь, чукӧрта найӧс му помъясысь. На пӧвстын лоасны синтӧмъяс и чотысьяс, нӧбасьысьяс и чужтысьяс, ыджыд чукӧрӧн найӧ бӧр бергӧдчасны татчӧ.

Еремей 23:3

Ме чукӧрта Аслам ыжъяслысь коляссӧ став муяссьыс, кытчӧ Ме вӧтлі найӧс, да бӧр бергӧда асланыс йирсянінӧ. Сэні найӧ пондасны чужтысьны-рӧдмыны.

Еремей 3:18

Сійӧ лунъясас Иудалӧн чужанкотыръясыс да Израильлӧн чужанкотыръясыс ӧтвылысь локтасны войвыв муысь сійӧ муас, мый Ме вичмӧді тіян батьяслы».

Исай 49:12

Со, Менам войтырӧй локтас ылісянь: ӧтияс – войвывсянь, мӧдъяс – рытыввывсянь, мукӧдыс – Синим муысь.

Исай 43:6

Войвывлы Ме тшӧкта: «Сет найӧс!» Лунвывлы Ме шуа: «Эн кут найӧс!» Ылі муясысь вайӧдӧй Менсьым пиянӧс, му помысь – Менсьым нывъясӧс,

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Еремей 46:27

– Эн пов, Менам Яков кесйӧгӧй, эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.