Микей 6:3 - Коми Библия 2023

³ – Войтырӧй, мый Ме тэныд вӧчи? Мыйӧн сьӧктӧді тэнӧ, вочавидз Меным!

Микей 6:3 Referans Kwoze

Еремей 2:5

Господь тадзи висьталӧ: – Аддзылісны ӧмӧй тіян батьясныд, мый Ме ог веськыда вӧч? Таысь ӧмӧй найӧ ылыстчисны Меысь? Найӧ вӧтчисны идолъяс бӧрся, нинӧм бӧрся моз, и асьныс лоины татшӧмӧсь.

Еремей 2:31

Ӧнія олысьяс, гӧгӧрвоӧй Господьлысь кывсӧ: Вӧлі-ӧ Ме Израиль войтырлы овтӧминӧн? Вӧлі-ӧ Ме сылы пемыд муӧн? Мыйла Менам войтырӧй шуӧ, ми пӧ мунам, кытчӧ кӧсъям, огӧ пӧ бергӧдчӧй Тэ дінӧ?

Псалтыр 50:7

Бать кӧйдысын нин ме вӧлі мыж пытшкас, мам кынӧмсянь – мыжа морт.

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Псалтыр 81:8

Енмӧй, кыпӧдчы да мыжды му вылын олысьясӧс, ӧд войтыръясыс – Тэнад.

Псалтыр 51:4

Тэнад кывйыд сёрнитӧ бырӧдӧм йылысь, сійӧ бритва кодь лэчыд, тэ – ылӧдчысь!

Исай 5:4

Ме ставсӧ нин вӧчи виноград йӧрлы. Мый нӧшта колӧ вӧлі вӧчны Меным? Ме виччыси чӧскыд вотӧс, но воис курыд вотӧс.