Микей 6:12 - Коми Библия 2023

¹² Татчӧс карса озыръяс виалӧны-дзескӧдӧны, олысьясыс пӧръясьӧны, оз сёрнитны веськыда.

Микей 6:12 Referans Kwoze

Осий 7:13

Курыд шог Израиль войтырлы, ӧд найӧ ылыстчисны Меысь! Найӧ бырасны, ӧд кыпӧдчисны Меным паныд! Ме кӧсйи мездыны найӧс, но найӧ ылӧгсӧ висьтавлісны Ме йылысь.

Еремей 9:8

Ӧд налӧн кывйыс – виысь ньӧв кодь, найӧ висьталӧны ылӧгсӧ. Орччӧн олысьяслы найӧ сиӧны лӧньлун, а сьӧлӧманыс дасьтӧны налы нальк.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Исай 3:8

Киссис Ерусалим, усис Иуда, ӧд налӧн сёрниныс да уджъясныс – Господьлы паныд, найӧ паныд кыпӧдчӧны дзирдлуна Господьлы.

Римӧ 3:13

Налӧн горшныс – восьса гу, кывнас найӧ пӧръясьӧны, льӧб выланыс налӧн змей яд.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Амос 2:4

Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.

Амос 6:4

Ті куйланныд слӧн лыысь вӧчӧм узьланін вылын, жуйвидзанныд юрлӧсъяс вылын пукалӧмӧн. Ті босьтанныд ыж чукӧрысь баляясӧс, йирсянінысь куканьясӧс, и сёянныд найӧс.

Псалтыр 120:2

Отсӧгыс воас меным Господьсянь, енэжсӧ да мусӧ Вӧчысьсянь.

Софоний 1:9

Ме мыжда сійӧ лунӧ быдӧнӧс, коді воськовтігас полӧ тувччыны тагӧс вылӧ, коді ыджыдыслысь керкасӧ тыртӧ виалӧм-дзескӧдӧмӧн да ылӧгӧн.

Ап. уджъяс 24:9

Иудейяс сэні тшӧтш шуисны, дзик тадзи пӧ ставыс вӧлі.