Микей 5:7 - Коми Библия 2023

⁷ Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Микей 5:7 Referans Kwoze

Микей 5:3

Господь эновтас Ассьыс войтырсӧ кад кежлӧ, кытчӧдз чужтысьыс оз чужты. Сэки вокъяслӧн колясыс бӧр локтас Израиль пиян дінӧ.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Индӧд 32:2

Велӧдӧмӧй зэр моз киссьӧ, сёрниӧй лысва моз усьӧ, быдмӧгӧс моз юкталӧ, турунӧс моз киськалӧ.

Осий 14:5

– Найӧ Менӧ эновтісны, но Ме бурдӧда найӧс таысь, Ме бара понда сьӧлӧмсянь радейтны найӧс, скӧрлунӧс Ме вешта на дінысь.

Псалтыр 72:6

Та вӧсна найӧ сикӧтшӧн моз мичмӧдӧмаӧсь асьнысӧ ышнясьӧмнас, мича паськӧмӧн моз вевттьӧмаӧсь асьнысӧ виалӧм-дзескӧдӧмнас.

Римӧ 10:20

Исай повтӧг висьталӧ Енлысь шуӧмсӧ: – Менӧ аддзисны найӧ, кодъяс эз корсьны Менӧ. Ме восьті Ачымӧс налы, кодъяс эз корны тайӧс.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Осий 6:3

Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».

Еремей 14:22

Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

1 Коринфӧ 3:6

Ме кӧдзи, Аполос киськаліс, а быдтіс Енмыс.

Римӧ 11:12

Налӧн крукасьӧмыс кӧ вайис озырлун муюгыдыслы да Енсьыс кежӧмыс кӧ озырмӧдіс ентӧдтӧмъясӧс, сэки мыйта озырлун ваяс став Израильлӧн Ен дінӧ бергӧдчӧмыс?

Римӧ 9:30

Сідзкӧ, мый артмӧ? Ентӧдтӧмъяс эз корсьлыны веськыдлунсӧ, но босьтісны сійӧс эскӧм пыр.

Ап. уджъяс 16:9

Войнас Павел аддзылас Енсянь петкӧдчылӧм: македонияса морт сулалӧ сы водзын да корӧ, лок пӧ Македонияӧ да отсав миянлы.

Ап. уджъяс 13:46

Сэки Павел да Варнава повтӧг шуисны: «Медводз тіянлы шуӧма кывны Енлысь кывсӧ. Но ті кӧ онӧ сибӧдӧй Сылысь кывсӧ да лыддянныд асьнытӧ шогмытӧмӧн, мед пырны помтӧм олӧмӧ, ми мунам ентӧдтӧмъяс дінӧ.

Ап. уджъяс 11:15

И кор ме куті сёрнитны, на вылӧ лэччис Вежа Лов, кыдзи водзынсӧ миян вылӧ.

Матвей 28:19

Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Микей 2:12

Яковлысь рӧдсӧ Ме чукӧрта, Израильлысь коляс войтырсӧ Ме ӧтвывта. Ыжъясӧс моз Ме чукӧрта найӧс, ыж чукӧрӧс моз вайӧда йирсянінӧ. Унасьыс-уна йӧз чукӧрмӧм вӧсна ыджыд шы кылас.

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Езекиль 47:1

Морт бӧр вайӧдіс менӧ крам ӧдзӧс дорӧ. Ме аддзи, мый крам тагӧс улысь визувтіс ва асыввывлань, ӧд крамыс видзӧдіс асыввылӧ. Ваыс петіс тагӧс лунвывладорсянь, водзӧ визувтіс висьпуктанін лунвывладортіыс.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Исай 55:10

Кор зэрыс да лымйыс киссьӧны енэжсьыс, сэтчӧ найӧ бӧрсӧ оз нин бергӧдчыны, но найӧ юкталӧны мусӧ, медым сійӧ сетас быдтас, медым сетас кӧйдыс кӧдзысьлы, и нянь – сёйысьлы.

Исай 32:15

Тадзи лоӧ, кытчӧдз вылісянь оз лэччы миян вылӧ Енлӧн лолыс. Сэки овтӧмин лоӧ сад йӧрӧн, а сад йӧрыс лоӧ вӧр кодь ыджыдӧн.

Ёрдысьяс 6:36

Гедеон шыасис Ен дінӧ: «Петкӧдлы, мый Тэ мездан Израильӧс менам киӧн, кыдзи и кӧсйысин.

Ап. уджъяс 9:15

Господь шуис: «Мун. Ме бӧрйи сійӧс кесъявны Меным, юӧртны Менсьым нимӧс войтыръяслы да ӧксыяслы, тшӧтш Израиль войтырлы.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Езекиль 14:22

Ерусалимса олысьяс пӧвстысь сӧмын ӧткымын морт ловйӧн колясны, но и найӧс нуӧдасны сэтысь. Найӧ локтасны тіян дінӧ, и ті аддзанныд налысь олан туйсӧ да уджъяссӧ. Сэки ті онӧ нин кутӧй шогсьыны, мый Ерусалим кар вылӧ Ме мӧдӧді шог.

Ӧксыяслӧн 2 небӧг 17:12

Ми корсям Давидӧс, кӧні эськӧ сійӧ эз дзебсясь. Кыдзи лысва усьӧ да вевттьӧ ставнас мусӧ, тадзи уськӧдчам Давид вылӧ да сылӧн йӧз вылӧ, и некод ловйӧн оз коль.

Псалтыр 133:3

Сионсянь мед бурсиас тэнӧ Господь, енэжсӧ да мусӧ Вӧчысьыс. Ошкӧм.

Шусьӧгъяс 19:12

Ӧксылӧн скӧрмӧмыс левлӧн равзӧм кодь, сылӧн бурлуныс турунвыв лысва кодь.

Даниил 11:32

Йитӧд торкысьясӧс сійӧ ылӧдлӧмӧн кыскас ас дінас. А найӧ, кодъяс тӧдӧны ассьыныс Енсӧ, лоӧны зумыдӧсь да кутчысясны Енлӧн Индӧдас.

Микей 4:7

Чотысьясӧс вӧча бӧрйӧм коляс войтырӧн, разалӧмаясӧс – вына войтырӧн. Господь лоӧ налӧн ӧксыӧн Сион керӧсын ӧні да нэмъяс чӧж.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Езекиль 5:5

Господь Ыджыдыс тадзи висьталӧ: тайӧ ставыс Ерусалим йылысь. Ме сувтӧді сійӧс войтыръяс пӧвстӧ, а сы гӧгӧр паськӧді войтыръяслысь муяссӧ.

Микей 4:13

Чеччы вартнытӧ, Сион нылӧй! Тэнсьыд сюртӧ Ме вӧча кӧртысь, кок гыжтӧ – ыргӧнысь. Войтыръясӧс тэ пасьвартан, налысь эмбурсӧ Господьлы сиан, налысь озырлунсӧ став муӧн Ыджыдалысьлы торйӧдан.

Закар 9:13

Ме зэвта Иудаӧс ньӧввужйӧс моз, Ефремӧс босьта ньӧв пыдди. Тэнсьыд пиянтӧ, Сион, Ме паныд кыпӧда яванса пиянлы, вӧча тэнӧ тышкасян шыпуртӧн.