Микей 5:2 - Коми Библия 2023

² Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Микей 5:2 Referans Kwoze

Матвей 2:6

– Иуда муын Виплием кар, Иудалӧн мукӧд юрнуӧдан каръясысь тэ абу ичӧтджык. Виплием карысь петас Юралысь, Менсьым ыжъясӧс, Израиль войтырӧс, Сійӧ видзны кутас».

Иоан 7:42

Оз ӧмӧй висьтав Гижӧдыс, мый Кристос петас Давид вужйысь, Виплием карысь, кытысь вӧлі Давид?»

Псалтыр 90:2

шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Колосӧ 1:17

Сійӧ ставсьыс Медводдзаыс, Сы вылын кутчысьӧ ставыс.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Ӧксыяслӧн 1 небӧг 17:12

Давид вӧлі Иуда муысь Виплием-Епрафа карысь Ессейлӧн пи. Ессейлӧн вӧлі кӧкъямыс пи. Сауллӧн ӧксыалан кадӧ Ессей вӧлі пӧрысь нин, сійӧ вӧлі войтырыслӧн ыджыдъясысь ӧти.

Олӧм 48:7

Месопотамияысь мунӧм бӧрын Епрафаӧ вотӧдз Ракельӧй [тэнад мамыд] куліс Ханаан муын. Сэні ме дзеби сійӧс туй бокас». Епрафаӧс ӧні нимтӧны Виплиемӧн.

1 Иоан 1:1

Ми висьталам сы йылысь, мый вӧлі водзысяньыс, мый кывлім да ас синмӧн аддзылім, мый видзӧдалім да ас киӧн видлалім. Ми висьталам олӧмыслӧн кыв йылысь.

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Руфа 4:11

Карса дзиръя дорын став йӧзыс да юрнуӧдысьяс шуисны: «Да, ми кывлім да аддзылім. Тэнад керкаӧ пырысь гӧтыртӧ Господь мед вӧчас Ракель да Лия кодьӧн, кодъяссянь чужис Израиль войтыр. Озырмӧдчы Епрафаын, нимав Виплиемын!

Олӧм 35:19

Ракель куліс. Сійӧс дзебисны Виплием-Епрафаӧ мунан туй бокӧ.

Еврейяслы 7:14

Ми тӧдам, мый миян Господь петіс Иуда чужанкотырысь. Но Мӧисей нинӧм эз висьтавлы, мый тайӧ чужанкотырсьыс петасны попъяс.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Еремей 30:21

Налӧн ыджыдыс лоӧ на пиысь, налӧн юралысьыс лоӧ на пӧвстысь. Сійӧ матыстчас Ме дінӧ, ӧд Ме матыста сійӧс Ас дінӧ. Коді нӧ ас кӧсйӧм сертиыс лысьтас матыстчыны Ме дінӧ? – висьталӧ Господь. –

Исай 53:2

Веж петас моз Сійӧ быдмис Господь водзын, быдмис кос муысь чепӧсйӧм турун моз. Сылӧн эз вӧв мичлун ни тӧдчанлун, медым ми видзӧдім Сы вылӧ. Чужӧм-мыгӧрнас Сійӧ эз вӧв сэтшӧм морт, коді эськӧ кыскис миянӧс Ас дінас.

Ӧксыяслӧн 1 небӧг 10:19

Но ті ӧтдортінныд ассьыныд Еннытӧ, коді мездӧ тіянӧс быд лёксьыс да сьӧкыдлунсьыс. Ті шуинныд Сылы: ”Пукты миянлы ӧксыӧс”. Сідзкӧ, ӧні сувтӧй Господь водзӧ – быдӧн асланыд чужанкотыр да рӧд сертиныд».

Лука 23:38

Исус юр весьтын грек, латин да еврей кывъясӧн вӧлі гижӧма: «Тайӧ – иудейяслӧн Ӧксы».

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

1 Каднебӧг 5:2

Иуда вӧлі медся тӧдчана аслас вокъяс пӧвстын, и сылӧн рӧдысь петіс юралысь, но медводдза чужысьлӧн нимыс вуджис эз сылы, а Ӧсиплы.

1 Каднебӧг 4:4

Пенуэл вӧлі Гедорлӧн бать, Эзер – Хушалӧн бать. Пенуэл да Эзер вӧліны Хурлӧн пиян. Хур, Ефрафалӧн медводдза пиыс, вӧлі тшӧтш Виплиемлӧн бать.

Петӧм 18:21

Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Восьтӧм 2:8

«Смирна вичкоса анделлы тадзи гиж: Со мый висьталӧ тіянлы Медводдзаыс и Медбӧръяыс, коді вӧлі кулӧма, но ӧні ловъя.

1 Каднебӧг 2:54

Салмонлӧн чужисны Виплием да Атрот-Бет-Йоав пиян, сысянь петісны тшӧтш нетофасаяс да цораяс – манахатса джын олысьыс.

Ӧксыяслӧн 1 небӧг 23:23

Тӧдмалӧй да видзӧдалӧй, кӧні сійӧ дзебсясьӧ. Кор ставсӧ бура тӧдмаланныд, локтӧй да юӧртӧй меным. Сэки ме муна тіянкӧд. Сійӧ кӧ тані, Иуда муын, ме кута корсьны сійӧс став кар-сиктысь».

Ӧксыяслӧн 1 небӧг 17:18

А тайӧ дас сыр ёкмыльсӧ ну сюрсӧн веськӧдлысьыслы. Тӧдмав вокъясыдлӧн дзоньвидзалун йылысь, гашкӧ, налы мыйкӧ колӧ».

Индӧд 1:15

Ме чукӧрті тіян чужанкотыръясысь мывкыд да [сюсь] вежӧра йӧзӧс и пукті найӧс веськӧдлыны сюрс мортӧн, сё мортӧн, ветымын мортӧн да дас мортӧн. Быд чужанкотырӧ нӧшта пукті кывкутысь йӧзӧс.

Ӧксыяслӧн 1 небӧг 8:12

Ӧтиясӧс сійӧ сувтӧдас веськӧдлыны сюрс тышкамортӧн, мӧдъясӧс – ветымынӧн. Сійӧ тшӧктас пиянныдлы гӧрны ассьыс муяссӧ да вундыны няньсӧ, вӧчны шыпуртъяс, мукӧд тышкасянтор да тарантасъяслы коланаторъяс.

Петӧм 18:25

Мӧисей бӧрйис Израиль войтыр пӧвстысь тӧлка йӧзӧс да пуктіс найӧс веськӧдлыны сюрс мортӧн, сё мортӧн, ветымын мортӧн да дас мортӧн. [Пуктіс тшӧтш гижӧдӧ велӧдысьясӧс.]

Матвей 2:1

Исус чужис Иудея муын, Виплием карын, Ирӧд ӧксы веськӧдлан кадӧ. Исуслӧн чужӧм мысти асыввылысь Ерусалим карӧ воисны кодзув тӧдысьяс.

Олӧм 35:16

Сэсся найӧ мунісны Вефильысь. [Эдер башня сайӧ Яков сувтӧдіс чомсӧ.] Епрафаӧ вотӧдз туй костас Ракель кутіс сьӧкыда чужтыны.

Ёрдысьяс 17:7

Иуда муын Виплием карын, Иуда чужанкотыр пӧвстын, оліс ӧти том левит.

Руфа 1:1

Израиль муын ёрдысьяслӧн веськӧдлан кадӧ вӧлі тшыгъялӧм. Иуда муысь ӧти морт эновтіс Виплием кар да овмӧдчис Моав муӧ. Сыкӧд тшӧтш мунісны гӧтырыс да кыкнан пиыс.

Исай 55:4

Давид пыр Ме петкӧдлі войтыръяслы Ассьым вынӧс, пукті сійӧс налы юралысьӧ да веськӧдлысьӧ.

Осий 6:3

Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».

Закар 13:7

– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Микей 4:10

Кага чужтысь ань моз ойзы, дойыдла нюглясь, Сион нылӧй, ӧд ӧні тэ петан карсьыс, кутан овны видз-му вылын, мунан Вавилонӧдз. Но сэтысь тэнӧ лоӧ мездӧма, Господь мездас тэнӧ вӧрӧгыдлӧн киысь.