Микей 5:1 - Коми Библия 2023

¹ Ерусалимын олысьяс, петӧй тышӧ, ӧд миянӧс кытшалісны! Израильлысь ёрдысьӧс кутасны кучкавны, беддьӧн кучкаласны чужӧмбанас.

Микей 5:1 Referans Kwoze

Бӧрданкыв 3:30

Мед чужӧмбансӧ бергӧдӧ кучкысьлань да нуӧ лёкӧдӧмсӧ.

Иов 16:10

Йӧзыс жергӧдісны ме вылӧ пиньнысӧ, лёкӧдӧмӧн кучкалӧны меным чужӧмбанӧ, ставныс ӧтувтчисны меным паныд.

2 Коринфӧ 11:20

Ті терпитанныд, кор кесйӧдлӧны тіянӧс, мырддялӧны да куралӧны тіянлысь, ыджыдалӧны тіян вылын да кучкалӧны чужӧманыд.

Ап. уджъяс 23:2

Сэки Ананий нима аркирей тшӧктіс Павел дінын сулалысьӧс кучкыны сылы вомас.

Иоан 19:3

да шуалісны: «Мед олас иудейяслӧн Ӧксы!» Сэсся кучкалісны чужӧмас.

Иоан 18:22

Кор Исус шуис тайӧс, крам видзысьяс пӧвстысь ӧти, коді сулаліс Сыкӧд орччӧн, кучкис Сылы чужӧмас да шуис: «Кыдзи тэ сёрнитан аркирейкӧд!»

Матвей 26:67

Сэсся сьӧлалісны Исуслы чужӧмас, нӧйтісны Сійӧс да чужӧмас кучкалӧмӧн

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Индӧд 28:49

Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.

Матвей 27:30

Сьӧлалісны Сійӧс да кучкалісны юрас беддьӧн.

Матвей 5:39

Ме шуа тіянлы: тэныд лёксӧ вӧчысьлы паныд эн сувт. Веськыд банад кӧ кучкасны, лӧсьӧд шуйгасӧ.

Аввакум 3:16

Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.

Аввакум 1:6

Ме кыпӧда калдея войтырӧс, скӧр да этш тӧдтӧм войтырӧс. Найӧ мунасны став му пасьталаыс, мед босьтны йӧз муяс.

Амос 2:3

Моавса ыджыдалысьӧс бырӧда, сэтчӧс юралысьясӧс виа, – висьталӧ Господь.

Йоиль 3:9

Юӧртӧй войтыръяс пӧвстын: – Дасьтысьӧй ыджыд тыш кежлӧ, чукӧртӧй тышкайӧзӧс! Петӧй тышӧ, вермасьысьяс!

Езекиль 24:2

«Морт пиӧй, пасйы-гиж тайӧ лунсӧ, ӧд талун вавилонса ӧксы кытшӧ босьтас Ерусалим кар.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 8:9

Дзӧрӧй-тіралӧй, войтыръяс! Сюся кывзӧй, ылі муын олысьяс! Дасьтысьӧй тыш кежлӧ, но полӧй-тіралӧй! Дасьтысьӧй тыш кежлӧ, но полӧй-тіралӧй!

Ӧксыяслӧн 4 небӧг 24:2

Господь мӧдӧдіс Ехоякимлы паныд калдея, арамей, моав да аммон тышкайӧзӧс, медым бырӧдны Иуда му, кыдзи висьталіс Господь Сылы кесъялысь пророкъяс пыр.

Ӧксыяслӧн 3 небӧг 22:24

Кенаанлӧн Седекей пиыс матыстчис Микей дінӧ, кучкис сылы бан бокас да шуис: «Тэ чайтан, мый Господьлӧн лолыс эновтіс менӧ да кутіс сёрнитны тэ пыр?»

Олӧм 35:19

Ракель куліс. Сійӧс дзебисны Виплием-Епрафаӧ мунан туй бокӧ.

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Индӧд 33:27

Тэнад сайӧдчаніныд – пыр олысь Ен, Сылӧн киыс новлӧдлӧ тэнӧ. Сійӧ вӧтлас тэ водзысь вӧрӧгтӧ, тшӧктас бырӧдны сійӧс.

Ёрдысьяс 17:7

Иуда муын Виплием карын, Иуда чужанкотыр пӧвстын, оліс ӧти том левит.

Шусьӧгъяс 8:23

Кадсӧ арталӧмыс эз на вӧв, а ме вӧлі нин, му пуксьытӧдзыс на ме вӧлі.

Исай 9:5

Тышкасьысьяслысь вирӧсь паськӧмсӧ, тышын талялӧм кӧмнысӧ лоӧ шыбитӧма биӧ.

Езекиль 21:32

Тэнӧ ньылыштас би, вирыд брызьмунас му вылӧ, и тэнӧ вунӧдасны. Тайӧс висьталі Ме, Господь».

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.