Микей 4:6 - Коми Библия 2023

⁶ Сійӧ лунӧ, – висьталӧ Господь, – Ме чукӧрта чотысьясӧс, ӧтлаӧ вайӧда вошӧмаясӧс, найӧс, кодъяслы Ме мӧдӧдлі шогсӧ.

Микей 4:6 Referans Kwoze

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Исай 56:8

На кындзи, кодъясӧс чукӧртӧма нин татчӧ, Ме нӧшта на чукӧрта мукӧдӧс, – висьталӧ Господь Ыджыдыс, разалӧм Израиль войтырӧс чукӧртысь.

Псалтыр 147:2

Сійӧ ёнмӧдӧ тэнад дзиръяяслысь иганъяссӧ, бурсиӧ тэнсьыд олысьястӧ.

Лука 19:10

Морт Пи локтіс корсьны да мездыны вошӧмаӧс».

Микей 2:12

Яковлысь рӧдсӧ Ме чукӧрта, Израильлысь коляс войтырсӧ Ме ӧтвывта. Ыжъясӧс моз Ме чукӧрта найӧс, ыж чукӧрӧс моз вайӧда йирсянінӧ. Унасьыс-уна йӧз чукӧрмӧм вӧсна ыджыд шы кылас.

Езекиль 36:24

Ме босьта тіянӧс мукӧд войтыръяс пӧвстысь, чукӧрта быд муысь да вайӧда асланыд муӧ.

Еремей 31:8

Ме вайӧда Ассьым войтырӧс войвыв муысь, чукӧрта найӧс му помъясысь. На пӧвстын лоасны синтӧмъяс и чотысьяс, нӧбасьысьяс и чужтысьяс, ыджыд чукӧрӧн найӧ бӧр бергӧдчасны татчӧ.

Еремей 3:18

Сійӧ лунъясас Иудалӧн чужанкотыръясыс да Израильлӧн чужанкотыръясыс ӧтвылысь локтасны войвыв муысь сійӧ муас, мый Ме вичмӧді тіян батьяслы».