Микей 4:13 - Коми Библия 2023

¹³ Чеччы вартнытӧ, Сион нылӧй! Тэнсьыд сюртӧ Ме вӧча кӧртысь, кок гыжтӧ – ыргӧнысь. Войтыръясӧс тэ пасьвартан, налысь эмбурсӧ Господьлы сиан, налысь озырлунсӧ став муӧн Ыджыдалысьлы торйӧдан.

Микей 4:13 Referans Kwoze

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Исай 23:18

Но Тирлысь сьӧмсӧ, мый сійӧ чукӧртіс асьсӧ вузалысь ань моз, лоӧ торйӧдӧма Господьлы. Сійӧс оз чукӧртны, оз дзебны амбарӧ. Став сьӧмсӧ лоӧ сетӧма Господь водзын кесъялысьяслы, медым найӧ пӧттӧдзныс сёясны да бура пасьтасясны.

Исай 18:7

Сэки Господь Саваофлы ваясны козинъяс ён вына да збой войтырсянь, ыджыд тушаа йӧзсянь, кодъясысь быдлаын полӧны, кодъяс ставнысӧ нартитӧны, кодъяслысь мусӧ вожӧдӧны юяс. Козинъяссӧ ваясны Сион керӧс вылӧ, Господь Саваофлӧн оланінӧ.

1 Коринфӧ 16:2

вежонса медводдза лунӧ быдӧн торйӧдӧй сьӧмнытӧ мыйта верманныд да видзӧй сійӧс ас орданыд. Сэки менам локтігкежлӧ тіян лоӧ чукӧртӧма нин.

Закар 6:5

Андел вочавидзис: «Тайӧ – енэжыслӧн нёль тӧв. Найӧ петӧны Господьсянь, коді ыджыдалӧ став му вылас».

Закар 4:14

Андел висьталіс: «Тайӧ индӧ кык мавтыштӧм морт вылӧ. Найӧ кесъялӧны Господьлы, коді ыджыдалӧ став му вылас».

Еремей 51:33

Господь Саваоф, Израильлӧн Ен, тадзи висьталӧ: – Вавилон ныв гумла кодь, кодӧс талялӧмӧн дасьтӧны вундан кад кежлӧ. Нӧшта неуна, и воас Вавилонӧс вундан кадыс.

Псалтыр 68:29

Налысь нимъяссӧ мед лоӧ вуштӧма Олӧмыслӧн небӧгысь, найӧс мед оз ло гижӧма веськыда олысьяс лыдӧ.

Нав Исус 6:19

Попъяс букӧстісны буксанӧн. И кор Израиль войтыр кыліс тайӧ шысӧ, найӧ кутісны гораа горзыны. Карса стенмыс подулӧдзыс киссис. Войтырыс пырис карас сэтысянь, кӧні коді сулаліс. Карсӧ вӧлі босьтӧма.

Исай 5:28

Налӧн ньӧвъясыс ёсьӧсь, ньӧввужъясыс зэвтчӧмаӧсь, налӧн вӧв кок гыжъясыс биа из кодьӧсь, тарантасъясыс тӧвныр кодьӧсь.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Индӧд 33:25

Кӧртысь да ыргӧнысь сылӧн иганыс, став олан лунъяс чӧжыс сійӧ лоӧ вына.

Исай 21:10

Менам войтырӧй, тэнӧ вартӧма-изӧма гумла вылын. Мый ме кывлі Господь Саваофсянь, Израильлӧн Енсянь, сійӧс ӧні висьтала тіянлы.

Еремей 51:20

– Вавилон, тэ – Менам мӧлӧтӧй, Менам тышкасянторйӧй, тэӧн Ме пасьвартлі войтыръясӧс, тэӧн пазӧдлі муяс.

Осий 10:11

Ефрем – велӧдӧм кукань, окотапырысь вартӧ. Ме Ачым пукті сийӧссӧ сылӧн вына сьылі вылӧ. Ефремӧс Ме доддяла, Иуда пондас гӧрны, Яков – агсасьны.

Аввакум 3:12

Тэ талялан мусӧ скӧрлуннад, войтыръясӧс – лӧглуннад.

Псалтыр 24:1

Давидлӧн псалом. Господьӧй, Тэлань веськӧда сьӧлӧмӧс.

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Закар 12:3

Сійӧ лунӧ, кор войтыръяс чукӧртчасны Ерусалимлы паныд, Ме вӧча Ерусалимӧс налы сьӧкыд изйӧн. Коді вӧрзьӧдас изсӧ, асьсӧ вирӧдз дойдалас.

Закар 12:6

Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».