Микей 4:10 - Коми Библия 2023

¹⁰ Кага чужтысь ань моз ойзы, дойыдла нюглясь, Сион нылӧй, ӧд ӧні тэ петан карсьыс, кутан овны видз-му вылын, мунан Вавилонӧдз. Но сэтысь тэнӧ лоӧ мездӧма, Господь мездас тэнӧ вӧрӧгыдлӧн киысь.

Микей 4:10 Referans Kwoze

Исай 48:20

Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Осий 13:13

Чужтан дойяс топӧдӧны сійӧс, но сійӧ вежӧртӧм кага кодь, кодлы воис кад чужны, но сійӧ оз пет.

Осий 2:14

– Ме ышӧда сійӧс Ме бӧрся мунны, нуӧда сійӧс овтӧминӧ, понда сёрнитны сыкӧд меліа.

Исай 45:13

Ме сувтӧді Кирӧс, медым веськыда вӧчны, Ме шыльӧда сылысь став туйсӧ. Сійӧ выльысь лэптас Менсьым карӧс, мездас Менсьым йӧзӧс пленысь, лэдзас найӧс мунны, оз босьт налысь дон ни козин. Тадзи висьталӧ Господь Саваоф.

Исай 43:14

Господь, тіянӧс Мездысь, Израильлӧн вежа Ен, тадзи висьталӧ: – Тіян вӧсна Ме мӧдӧда Вавилонӧ тышкайӧзӧс, медым жугӧдны сэні став игансӧ. Калдея войтыр пышъясны корабльяс вылын, кӧні водзынджык гажӧдчисны.

Ӧксыяслӧн 4 небӧг 20:18

Тэсянь чужысьясӧс нуӧдасны вавилонса ӧксы керкаӧ, и налы ковмас кесъявны сэні евнукъясӧн».

Восьтӧм 12:14

Аньлы вӧлі сетӧма ыджыд кутшлысь кык борд, медым сійӧ лэбзис змейысь овтӧминӧ, сылы дасьтӧминӧ. Сэні кутасны вердны сійӧс куим во да джын.

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Еремей 15:21

Ме мезда тэнӧ лёк йӧзлӧн киысь, нетшышта тэнӧ дзескӧдысьяслӧн кабырысь.

Псалтыр 106:10

Найӧ олісны пемыдас, сап пемыдас, вӧлі тырӧмаӧсь шогӧн, найӧс вӧлі дорӧма кӧртӧн,

2 Каднебӧг 36:20

А найӧс, кодъяс ловйӧн колисны, нуӧдісны пленӧ Вавилонӧ. Калдеяса ӧксылы да сысянь чужысьяслы найӧ вӧліны кесйӧг туйынӧсь сэтчӧдз, кытчӧдз сэні эз кут юравны персияса ӧксы.

2 Каднебӧг 33:11

Сэки Господь мӧдӧдіс налы паныд ассурса ӧксылӧн тышкайӧзлысь юралысьясӧс. Найӧ дорисны Манассейлысь ки-коксӧ чепъясӧн да нуӧдісны сійӧс Вавилонӧ.

Ӧксыяслӧн 4 небӧг 25:4

карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд пышйис Йӧрдан ковтыслань.

Еремей 29:20

Ӧні ті ставныд, кодъясӧс Ме мӧдӧді Ерусалимысь Вавилонӧ пленӧ, кывзӧй Господьлысь кывсӧ!

Еремей 48:41

Моавса каръясӧс лоӧ босьтӧма, изкаръясӧс – пасьвартӧма. Сійӧ лунӧ моавса тышкайӧзлӧн сьӧлӧмныс лоӧ кага чужтысь аньлӧн кодь.

Еремей 52:27

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Микей 5:3

Господь эновтас Ассьыс войтырсӧ кад кежлӧ, кытчӧдз чужтысьыс оз чужты. Сэки вокъяслӧн колясыс бӧр локтас Израиль пиян дінӧ.

2 Каднебӧг 36:23

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам. Быдӧн Сылӧн войтырысь мед мӧдӧдчас туйӧ. Господь Ен мед лоас быдӧнкӧд!»

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Еремей 13:4

«Босьт ньӧбӧм вӧньтӧ, мый коскад новлан. Мун Ефрат ю дорӧ да дзеб сійӧс кырта потасӧ».

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.