Микей 3:4 - Коми Библия 2023

⁴ Сэсся ті шыасянныд Господь дінӧ, но Сійӧ оз кыв тіянӧс, Сійӧ тупкас чужӧмсӧ тіян лёк вӧчӧмныд понда.

Микей 3:4 Referans Kwoze

Исай 1:15

Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь.

Шусьӧгъяс 1:28

Сэки ті кутанныд чуксавны менӧ, а ме ог кыв, кутанныд корсьысьны менӧ, но онӧ аддзӧй.

Езекиль 8:18

Та вӧсна Ме кисьта на вылӧ Ассьым скӧрлунӧс, ог жалит найӧс да ог бурсьӧлӧмтчы на дінӧ. Мед гораа горзӧны Меным, но Ме ог кыв найӧс».

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Матвей 7:22

Сійӧ лунӧ Меным унаӧн шуасны: ”Господьӧй, Господьӧй, эг-ӧ Тэнад нимсянь ми пророкалӧй? Эг-ӧ Тэнад нимӧн пеж ловъясӧс вӧтлалӧй? Эг-ӧ Тэнад нимӧн шензьӧданаторъяс вӧчалӧй?”

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Иоан 9:31

Ми тӧдам, мый Ен оз кывзы мыжаясӧс. Но коді бурӧ пуктӧ Енсӧ да олӧ Сылӧн кӧсйӧм серти, Енмыс кывзӧ сійӧс.

Лука 13:25

Воас кад, кор керка кутысь чеччас да йигналас ӧдзӧссӧ. Ывласяньыс ӧдзӧсӧ игӧдчӧмӧн понданныд вӧзйысьны: ”Ыджыдӧй, Ыджыдӧй, восьт миянлы!” Сійӧ вочавидзас: ”Кодъяс ті? Ме ог тӧд тіянӧс”.

Закар 7:13

Ме шыасьлі на дінӧ, но найӧ эз кывзыны Менӧ. Тадзи жӧ Ме найӧс эг кывзы, кор найӧ шыасьлісны Ме дінӧ, – висьталӧ Господь Саваоф. –

Еремей 33:5

Тайӧ карас олысьяс петасны тышкасьны калдеяса тышкайӧзкӧд, но налӧн керкаясныс тырасны шойясӧн. Ӧд Ме бергӧді Ассьым чужӧмӧс тайӧ карас олысьясысь налӧн лёк вӧчӧмныс вӧсна, Ме пасьварта найӧс Аслам скӧрлунӧн да ярлунӧн.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Шусьӧгъяс 28:9

Коді оз кӧсйы кывзыны Индӧдсӧ, сылӧн кевмысьӧмыс – зывӧк.

Ӧксыяслӧн 1 небӧг 8:18

Ті кутанныд ойзыны асланыд ӧксыысь, кодӧс ті бӧрйинныд, но Господь сэки оз вочавидз тіянлы».

Иов 27:9

Сійӧс шогыс суас, но Енмыс оз кыв сылысь бӧрдӧмсӧ.

Иов 35:13

Енмыс збыльысь оз кыв налысь ковтӧм кывъяссӧ, Ставсӧвермысь оз видзӧдлы на вылӧ.

Еремей 11:11

Та вӧсна Господь тадзи висьталӧ: «Ме мӧдӧда на вылӧ шог, и найӧ оз вермыны сыысь пышйынысӧ. Найӧ шыасясны Ме дінӧ, но Ме ог кыв найӧс.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Микей 3:7

Яндзим лоӧ тӧдысь-аддзысьяслы, яналасны водзвыв висьталысьяс, найӧ ставныс тупкасны чужӧмнысӧ, ӧд Енсянь вочавидзӧмыс оз ло.

Микей 7:13

А сэтчӧс муыс лоӧ овтӧминӧн сэні олысьяслӧн лёк уджъясныс вӧсна.