Микей 3:12 - Коми Библия 2023

¹² Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Микей 3:12 Referans Kwoze

Еремей 26:18

«Иудаса Езекей ӧксылӧн веськӧдлан кадӧ пророкавліс морешетса Микей. Сійӧ юӧртліс став Иуда войтырыслы, мый Господь Саваоф тадзи висьталӧ: – Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Псалтыр 79:1

Сьылысьясӧн веськӧдлысьлы. Сьылӧны ”Шушан эдут” шылад улӧ. Асафлӧн псалом.

Матвей 24:2

Исус шуис налы: «Аддзанныд-ӧ ставсӧ тайӧс? Веськыда висьтала тіянлы: татчӧ из вылӧ из оз коль, ставсӧ жугӧдасны».

Микей 1:6

– Ме кисьта Самария кар, сыысь коляс сӧмын из чукӧр, кытчӧ пуктасны виноград. Изъяссӧ ковтысӧ шыблала, карсӧ подулӧдзыс кисьта-бырӧда.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Еремей 17:3

да Менам керӧс вылын. Тіян мыжъяс вӧсна, мый ті вӧчинныд асланыд му пасьтала, Ме сета мырддялысьяслӧн киӧ эмбурнытӧ, озырлуннытӧ да вись ваян мылькъяснытӧ.

Еремей 22:6

Иудаса ӧксылӧн керка йылысь Господь тадзи висьталӧ: – Ме водзын тэ Галаад кодь, ливанса керӧс йыв кодь, но Ме вӧча тэнӧ овтӧминӧн, кушмӧм карӧн.

Еремей 35:17

Та вӧсна Господь Ен Саваоф, Израильлӧн Ен, тадзи висьталӧ: Ме мӧдӧда Иуда войтыр вылӧ да Ерусалимын олысьяс вылӧ став шогсӧ, мый Ме шуи мӧдӧдны. Ме ӧлӧдлі найӧс, но найӧ эз кывзыны, Ме чуксалі найӧс, но найӧ эз вочавидзны».

Еремей 44:2

«Господь Саваоф, Израильлӧн Ен, тадзи висьталӧ: ті аддзылінныд став шогсӧ, мый Ме мӧдӧді Ерусалимлы да мукӧд иудаса каръяслы. Ӧні сэні из чукӧръяс, и олысьыс абу.

Еремей 52:13

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Бӧрданкыв 5:18

ӧд Сион керӧс кушмӧма, сэті ветлӧны шакалъяс.

Исай 32:14

ӧд ӧксылысь керкасӧ лоӧ эновтӧма, ыджыд шыа карсӧ лоӧ кольӧма. Керӧс вылын сулалысь изкар пыр кежлӧ лоӧ вӧлявывса осёлъяслы сайӧдчанінӧн, тайӧ керӧс вылын кутасны йирсьыны ыж-мӧс.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Еремей 22:5

А ті кӧ онӧ кывзӧй тайӧ кывъяссӧ, Ме Ачым кыв сетӧмӧн шуа, мый тайӧ керкасӧ лоӧ кисьтӧма, – висьталӧ Господь».