Микей 2:7 - Коми Библия 2023

⁷ Яков рӧд, тадзи-ӧ тэ чайтан? Господь ӧмӧй оз скӧрав? Аслас шуӧм серти ӧмӧй оз вӧч? Менам кывъясӧй ӧмӧй оз вайны бурсӧ веськыда олысьлы?

Микей 2:7 Referans Kwoze

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Еремей 15:16

Кор Тэсянь воисны кывъяс, ме пӧткӧдчи наӧн, Тэнад кывъясыд вайисны меным нимкодьлун, найӧ гажӧдісны менсьым сьӧлӧмӧс, Господьӧй, Тэ – Ен Саваоф, а ме – Тэнад.

Псалтыр 15:2

Ме шуи Господьлы: «Тэ – менам Ыджыдӧй, Тэ медбурыс, мый менам эм».

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Осий 14:9

Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Шусьӧгъяс 28:18

Сӧстӧма олысь повтӧг ветлӧ, а коді чукльӧдлӧ, виччысьтӧг усьӧ.

Шусьӧгъяс 10:29

Сӧстӧмъясӧс Господь дорйӧ Аслас туй вылын, а лёк вӧчысьясӧс бырӧдӧ.

Шусьӧгъяс 10:9

Сӧстӧма олысь повтӧг ветлӧ, а коді чукльӧдлӧ, сійӧс мыждасны.

2 Тимофейлы 3:5

Ортсысяньыс кӧ видзӧдны, найӧ кутчысьӧны вежавидзӧмӧ, но, збыльвылас, найӧ оз эскыны Енмыслӧн вынӧ. Татшӧмъяссьыс ылыстчы.

2 Коринфӧ 6:12

Ми восьтім тіянлы сьӧлӧмнымӧс, но тіян сьӧлӧмныд тупкыса миянлы.

Римӧ 7:13

Сідзкӧ, бур Индӧдыс ӧмӧй вайис меным кулӧмсӧ? Эз. Бур Индӧдыс пыр мыжыс вайис меным кулӧмсӧ. Тадзи мыжыс восьтіс ачыс асьсӧ – тшӧктӧмыс пыр лоис лёксьыс-лёкӧн.

Иоан 8:39

Найӧ вочавидзисны: «Миян батьным Ӧвраам». Исус шуис налы: «Ті кӧ Ӧвраамлӧн ныв-пи, вӧчинныд эськӧ Ӧвраам ног.

Матвей 3:8

Олӧмнад петкӧдлӧй мыжъяссьыныд бергӧдчӧмнытӧ.

Микей 3:9

Кывзӧй тайӧс, Яков рӧдлӧн юралысьяс, Израиль войтырлӧн веськӧдлысьяс! Веськыда мыждӧмсӧ ті нинӧмӧ пуктанныд, став веськыдсӧ чукльӧдланныд.

Еремей 2:4

Кывзӧй Господьлысь кывсӧ, Яковсянь чужысьяс, Израильлӧн чужанкотыръяс!

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Шусьӧгъяс 14:2

Господьысь полысь веськыд туйӧд мунӧ, Господьӧс мустӧмтысь вошӧ.

Шусьӧгъяс 2:7

Веськыда олысьӧс Енмыс мездӧ, сӧстӧма олысьӧс Сійӧ сайӧдӧ,

Лыд 11:23

Господь шуис Мӧисейлы: «Менам киӧй ӧмӧй оз вермы отсавны? Талун тэ аддзан, инас-ӧ Менам кывйӧй».