Микей 1:12 - Коми Библия 2023

¹² Маротын олысьяс оз нин виччысьны бурсӧ, ӧд Господь мӧдӧдіс шог Ерусалим дзиръя дорӧ.

Микей 1:12 Referans Kwoze

Еремей 14:19

– Господьӧй, Тэ ӧмӧй дзикӧдз ӧтдортін Иудаӧс? Тэ ӧмӧй мустӧмтан Сионӧс? Мыйла Тэ сэтшӧма дойдалін миянӧс, мый огӧ вермӧй бурднысӧ? Ми виччысим лӧнь олӧм, но нинӧм бурыс эз ло миянлы. Ми виччысим бурдӧм, но воис повзьӧдан кад.

Микей 1:9

Самариялӧн дойыс бурдлытӧм, сійӧ вуджас Иуда муӧдз, менам войтырлӧн дзиръяӧдз, воас Ерусалим карӧдз.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Еремей 8:15

Ми виччысим лӧнь олӧм, но бурыс эз во, ми виччысим бурдӧм, но миянӧс полӧм босьтӧ.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Иов 30:26

Ме виччыси бурсӧ, но менӧ лёкыс суис, виччыси югыдсӧ, но локтіс пемыдыс.

Ӧксыяслӧн 1 небӧг 4:13

Илий сэки пукаліс карса дзиръя дорын аслас пуклӧсын. Сійӧ видзӧдіс туй вылӧ да виччысис юӧр вайысьӧс, ӧд поліс Енлӧн куд вӧсна. Кор тышысь воӧм морт висьталіс карса олысьяслы израильсаясӧс пасьвартӧм йылысь, йӧзыс ырзӧмӧн кутісны бӧрдны.

Руфа 1:20

Ноеминь шуис налы: «Энӧ шуӧй менӧ Ноеминьӧн, а шуӧй Мараӧн, ӧд Ставсӧвермысь мӧдӧдіс меным курыд шог.