Матвей 7:7 - Коми Библия 2023

⁷ «Корӧй, и тіянлы сетасны, корсьӧй, и ті аддзанныд, игӧдчӧй, и тіянлы восьтасны.

Матвей 7:7 Referans Kwoze

Матвей 21:22

Мый коранныд кевмысиганыд эскӧмӧн, лоӧ тіянлы».

1 Иоан 3:22

Сэки мый корам, босьтам Сысянь, ӧд олам Сылӧн тшӧктӧмъяс серти да вӧчам Сылы шогманасӧ.

Иоан 15:7

Лоанныд кӧ Ме пытшкын, да Менам кывъясӧй кӧ лоӧны тіян пытшкын, сэки корӧй, мый кӧсъянныд, и лоас тіянлы.

Марк 11:24

Та вӧсна висьтала тіянлы: мый коранныд кевмысиганыд, эскӧй, мый сійӧ лоӧ тіянлы, и лоӧ тадзи.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Матвей 7:8

Ӧд корысьлы сетӧны, корсьысьлы сюрӧ да игӧдчысьлы восьтӧны.

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.

Шусьӧгъяс 8:17

Менӧ радейтысьӧс ме радейта, менӧ корсьысь аддзас менӧ.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Матвей 18:19

Веськыда висьтала тіянлы: тіян пиысь кӧ кыкӧн ӧтвыв корасны мыйкӧ, енэжвыв Батьӧй сетас налы.

Амос 5:4

Господь тадзи висьталӧ Израиль войтырлы: – Корсьӧй Менӧ, и ловйӧн колянныд.

Яков 5:15

Сэки эскӧмӧн кевмысьӧмыс отсалас висьысьлы, и Господь бурдӧдас сійӧс. А вӧчис кӧ сійӧ мыжъяс, сылысь мыжъяссӧ лоӧ прӧститӧма.

Псалтыр 27:8

Господь – Аслас войтырлӧн выныс, Аслас мавтыштӧмалӧн Дорйысьыс да Мездысьыс.

Лука 18:1

Исус висьталіс велӧданвисьт, мый оз ков лигышмунны, а дугдывтӧг кевмысьны.

Матвей 7:11

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд уна пӧвстӧн бурсӧ сетас Сылысь корысьяслы.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Сьылан 3:2

Ме шуи чеччыны, кытшовтны карсӧ, изэрд-улич вылысь корсьны ассьым радейтанаӧс. Ме корси сійӧс, но эг аддзы.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

Псалтыр 86:5

Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

Псалтыр 70:4

Енмӧй, мезды менӧ Ентӧг олысьяслӧн киысь, мезды менӧ лёк вӧчысьясысь да дзескӧдысьясысь.

Ӧксыяслӧн 3 небӧг 3:5

Войнас Гаваонын Соломонлы вӧтас петкӧдчис Господь Ен да шуис: «Кор Менсьым, мый кӧсъян, и Ме сета тэныд».

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Римӧ 3:11

абу гӧгӧрвоысьыс, некод оз корсь Енсӧ.

Лука 13:25

Воас кад, кор керка кутысь чеччас да йигналас ӧдзӧссӧ. Ывласяньыс ӧдзӧсӧ игӧдчӧмӧн понданныд вӧзйысьны: ”Ыджыдӧй, Ыджыдӧй, восьт миянлы!” Сійӧ вочавидзас: ”Кодъяс ті? Ме ог тӧд тіянӧс”.

Псалтыр 34:4

Менсьым олӧмӧс босьтны кӧсйысьяс мед яналасны да лоасны серамтуйынӧсь. Меным лёксӧ вӧчны кӧсйысьяс мед яналӧмӧн бӧр бергӧдчасны.

Псалтыр 37:4

Тэнад скӧралӧмысь менам вир-яйын абу висьтӧминыс, менам мыж вӧсна лыясӧй оз ланьтлыны висьӧмысь.

Исай 30:19

Ерусалимын олысь сионса войтыр, тэ он нин понды бӧрдны. Кор тэ шыасян Сы дінӧ, Сійӧ кутас буравны тэ дінӧ, Сійӧ кылас да вочавидзас тэныд.

Олӧм 26:32

Тайӧ луннас Исааклӧн кесйӧгъясыс юкмӧс кодйӧм бӧрын локтісны да шуисны, аддзим пӧ ва.