Матвей 7:6 - Коми Библия 2023

⁶ Вежасӧ энӧ сетӧй понъяслы да донаторнытӧ энӧ коялӧй порсьяслы. Вӧчанныд кӧ тадзи, понъяс уськӧдчасны да косявласны тіянӧс, а порсьяс ставсӧ таляласны».

Матвей 7:6 Referans Kwoze

Шусьӧгъяс 23:9

Вежӧртӧмкӧд эн сёрнит, ӧд сійӧ мустӧмтӧ тэнсьыд мывкыд кывъястӧ.

Шусьӧгъяс 26:11

Кыдзи понйыд аслас вос дорӧ бергӧдчӧ, тадзи вежӧртӧм морт ассьыс пыр нырӧ.

Филипӧ 3:2

Видзчысьӧй ”понъясысь”, ӧд тайӧ лёк вӧчысьясыс тшӧктӧны вундыштчыны.

Матвей 15:26

Исус шуис: «Абу бур мырддьыны ныв-пилысь няньсӧ да шыбитны сійӧс понпиянлы».

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

2 Петыр 2:22

Татшӧмъясыслы бура лӧсялӧны тайӧ шусьӧгъясыс: «Понйыд бергӧдчӧ аслас вос дорӧ» и «Мыськӧм порсь бӧр мунӧ туплясьны няйтӧ».

Матвей 24:10

Сэки унаӧн эновтчасны эскӧмсьыс, ӧта-мӧднысӧ вузаласны да мустӧмтасны.

Шусьӧгъяс 11:22

Мывкыдтӧм аньлӧн мичлуныс порсь нырын югъялысь зарни ныркытш кодь.

2 Коринфӧ 11:26

Ме пыр туйын. Менӧ унаысь сулісны виччысьтӧмторъяс каръясын, овтӧминын, юяс да саридз вылын. Меным унаысь ковмис видзчысьны лёк вӧчысьясысь, ас йӧзысь, мукӧд войтырысь да ылӧгвокъясысь.

Шусьӧгъяс 26:4

Эн вочавидз вежӧртӧмлы сылӧн йӧйлун серти, медым ачыд эн ло сы кодь.

Матвей 7:5

Кык бана шаньга! Водзджык аслад синмысь керсӧ перйы, сэки вокыдлӧн синмысь ёгторсӧ верман перйыны.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.