Матвей 7:24 - Коми Библия 2023

²⁴ «Коді кылӧ Менсьым кывъясӧс да олӧ на серти, сійӧ из вылӧ керкасӧ лэптысь сюсь вежӧра морт кодь.

Матвей 7:24 Referans Kwoze

Иоан 13:17

Тайӧс кӧ тӧданныд да та серти оланныд, ті шудаӧсь.

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

1 Иоан 2:3

Олам кӧ Сылӧн тшӧктӧмъяс серти, тайӧн петкӧдлам, мый ми тӧдам Сійӧс.

Псалтыр 111:10

Тайӧс аддзигӧн Ентӧг олысь скӧралӧ, пиньсӧ йирӧ и лёкысла потӧ. Лёк вӧчысьяслӧн кӧсйӧмыс торксьӧ. Ошкӧм.

Шусьӧгъяс 10:8

Мывкыд мортлӧн сьӧлӧмыс тшӧктӧмъястӧ сибӧдӧ, вежӧртӧм морт сёрнинас асьсӧ крукӧдӧ.

Иоан 14:15

«Ме кӧ муса тіянлы, олӧй Менам тшӧктӧмъяс серти.

Иоан 15:14

Оланныд кӧ Менам тшӧктӧм серти, ті – Менам ёртъяс.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Шусьӧгъяс 14:8

Вежӧра мортлӧн мывкыдлуныс тыдалӧ туйсӧ тӧдӧмас, вежӧртӧмлӧн йӧйталӧмыс тыдалӧ пӧръясьӧмас.

Шусьӧгъяс 10:25

Тӧвныр мунас – и лёк вӧчысь бырӧ, а веськыда олысь бырлытӧм подув вылын сулалӧ.

Шусьӧгъяс 12:7

Лёк вӧчысь кор усьӧ, сыысь нинӧм оз коль, а веськыда олысьлӧн керкаыс кольӧ сулавны.

Матвей 7:25

Чорыда зэрмас, юяс ойдасны, ыджыд тӧвныр петас да керкасӧ мӧдас пӧрӧдны, но тайӧ керкаыс оз пӧр, сійӧс ӧд из вылӧ лэптӧма.

Матвей 7:26

А коді кылӧ Менсьым кывъясӧс да оз ов на серти, сійӧ лыа вылӧ керкасӧ лэптысь вежӧртӧм морт кодь.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Матвей 24:45

«Лоӧй эскана да мывкыд кесйӧг кодьӧсь. Татшӧмсӧ ыджыдыс пуктас веськӧдлыны мукӧд кесйӧгъясӧн, медым ас кадӧ сетны налы сёян-юан.

Матвей 25:2

Витыс вӧліны мывкыдаӧсь, мӧд витыс – мывкыдтӧмӧсь.

Матвей 25:4

Мывкыдаяс биысь ӧтдор вый тыра дознысӧ босьтасны.

Матвей 25:9

Мывкыдаяс шуасны: ”Огӧ. Ставнымлы выйыс оз тырмы. Мунӧй да ньӧбӧй вузалысьяслысь”.

Римӧ 2:13

Ен водзын веськыдӧсь абу Индӧдсӧ кывлысьяс, а сы серти олысьяс.