Матвей 7:21 - Коми Библия 2023

²¹ Оз быдӧн, коді шуӧ Меным: ”Господьӧй, Господьӧй”, пыр Енэжвыв Юраланінӧ. Пырас сӧмын Менам енэжвыв Батьлӧн кӧсйӧм серти олысь.

Матвей 7:21 Referans Kwoze

Римӧ 2:13

Ен водзын веськыдӧсь абу Индӧдсӧ кывлысьяс, а сы серти олысьяс.

Лука 6:46

«Мыйла ті шуанныд Меным: ”Господьӧй, Господьӧй”, но онӧ вӧчӧй Менам висьталӧм серти?

Яков 1:22

Энӧ лоӧй сӧмын кывзысьясӧн, но Енлӧн кывйыс серти олысьясӧн. Куш кывзӧмнад сӧмын ылӧдланныд асьнытӧ.

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Титлы 1:16

Найӧ шуӧны, тӧдам пӧ Енсӧ, но уджыс налӧн мӧдтор йылысь висьталӧ. Найӧ мустӧмӧсь, кывзысьтӧмӧсь и бурсӧ вӧчны оз сяммыны.

Еврейяслы 4:6

Но кодсюрӧ пырасны на Енлӧн шойччанінӧ. А найӧ, кодъяслы медводз вӧлі висьталӧма Енлӧн шойччанін йывсьыс, эз пырны сэтчӧ кывзысьтӧмлун вӧснаныс.

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Восьтӧм 3:5

Вермысь пасьтасяс еджыд паськӧмӧ, и сылысь нимсӧ Ме ог вушты Олӧмыслӧн небӧгысь. Аслам Бать водзын да Енлӧн анделъяс водзын Ме висьтала, мый сійӧ – Менам.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.

Иоан 3:5

Исус вочавидзис: «Веськыда, веськыда висьтала тэныд: мортыс кӧ оз чуж васянь да Ловсянь, сійӧ оз вермы пырны Енлӧн Юраланінӧ.

Матвей 18:3

да шуис: «Веськыда висьтала тіянлы: онӧ кӧ вежсьӧй да лоӧй челядь кодьӧсь, Енэжвыв Юраланінӧ онӧ пырӧй.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Римӧ 12:2

Энӧ вужъясьӧй тайӧ мувывса оласногас. Лэдзӧй Енмыслы вежны тіянӧс, выльмӧдны вежӧрнытӧ, медым тӧдны тіянлы Сылысь кӧсйӧмсӧ: мый колана, шогмана да тыр-бур.

Марк 3:35

Ен кӧсйӧм серти олысь – Меным вок, чой да мам».

1 Фессалоникаӧ 5:18

Ставсьыс аттьӧалӧй Енсӧ, ӧд татшӧмъясӧн Енмыс кӧсйӧ аддзыны тіянӧс, Исус Кристослы эскысьясӧс.

Ефесӧ 6:6

Энӧ вӧчӧй тадзи йӧз водзын асьнытӧ петкӧдлӧм могысь, но Кристослӧн кесйӧгъяс моз кывзысьӧй Енмыслысь став сьӧлӧмсяньныд.

1 Петыр 2:15

Енмыс кӧсйӧ, медым ті бур вӧчӧмнаныд тупкинныд мывкыдтӧм йӧзлысь вомсӧ.

Матвей 25:21

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

1 Фессалоникаӧ 4:3

Енмыс кӧсйӧ, медым ті вӧлінныд вежаӧсь да видзинныд асьнытӧ кырсалӧмысь.

Колосӧ 4:12

Чолӧм ыстӧ тіян Епафрасныд, Исус Кристослӧн кесйӧг. Кевмысигас сійӧ пыр тышын тіян вӧсна, мед эськӧ ті век сулалінныд зумыда да быдторйын тӧдінныд Енлысь кӧсйӧмсӧ.

Лука 13:25

Воас кад, кор керка кутысь чеччас да йигналас ӧдзӧссӧ. Ывласяньыс ӧдзӧсӧ игӧдчӧмӧн понданныд вӧзйысьны: ”Ыджыдӧй, Ыджыдӧй, восьт миянлы!” Сійӧ вочавидзас: ”Кодъяс ті? Ме ог тӧд тіянӧс”.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Лука 18:25

Озырлы Енлӧн Юраланінӧ пырӧм дорысь верблюдлы кокньыдджык мунны ем пысӧд».

Марк 9:47

Синмыд кӧ ыштӧдӧ тэнӧ, шыбит сійӧс. Бурджык пырны Енлӧн Юраланінӧ син пӧлаӧн ад биӧ тэнӧ синмаӧн шыбитӧм дорысь.

Матвей 19:24

Нӧшта шуа: озырлы Енлӧн Юраланінӧ пырӧм дорысь верблюдлы кокньыдджык пырны ем пысӧд».

Матвей 18:35

Тадзи Менам енэжвыв Бать вӧчас тіянлы, онӧ кӧ сьӧлӧмсяньныд прӧститӧй вокнытӧ».

Иоан 15:23

Менӧ мустӧмтысь Менсьым Батьӧс тшӧтш мустӧмтӧ.

Матвей 26:42

Исус мӧдысь муніс да бара кевмысис: «Батьӧй, Ме дінысь кӧ оз позь вештыны тайӧ чашасӧ, Меным кӧ колӧ юны сійӧс, мед лоас Тэнад кӧсйӧм серти».

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Восьтӧм 2:27

Сійӧ кутас видзны найӧс кӧрт беддьӧн да сёй дозъясӧс моз сійӧ жуглас найӧс торпыригӧдз сійӧ жӧ выннас, кутшӧм вын Меным сетіс Батьӧй.

Иоан 14:7

Ті кӧ тӧданныд Менӧ, тӧданныд тшӧтш Менсьым Батьӧс. Ӧні ті тӧданныд Сійӧс, весиг аддзылінныд Сійӧс».

Иоан 5:17

Исус шуис налы: «Менам Батьӧй дугдывтӧг уджалӧ, и Ме уджала».

Матвей 26:39

Ачыс водзлань муныштіс да кымынь уськӧдчӧмӧн кевмысис: «Батьӧй, позьӧ кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Матвей 18:19

Веськыда висьтала тіянлы: тіян пиысь кӧ кыкӧн ӧтвыв корасны мыйкӧ, енэжвыв Батьӧй сетас налы.

Матвей 25:10

Мывкыдтӧм нывъяслӧн выйла ветлігкості верӧспуыд воас. Нывъяс, кодъяс вӧліны дасьӧсь, пырасны сыкӧд кӧлысь вылӧ. На бӧрся ӧдзӧссӧ йигналасны.