Матвей 6:9 - Коми Библия 2023

⁹ Кевмысьӧй тадзи: – Енэжвывса миян Бать, мед лоӧ вежаӧн Тэнад нимыд.

Матвей 6:9 Referans Kwoze

Восьтӧм 4:11

– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.

Римӧ 8:15

Ті ӧд энӧ сибӧдӧй нартитысь лолӧс, медым бара овны полӧм улын, мӧдарӧ, ті сибӧдінныд тіянӧс ныв-пиӧ босьтысь Лолӧс. Тайӧ Лолӧн ми шыасям: «Авва, Батьӧй!»

Езекиль 36:23

Ме петкӧдла вежалунсӧ Аслам ыджыд нимлысь, кодӧс ті янӧдінныд мукӧд войтыръяс пӧвстын. Кор Ме петкӧдла тіян пӧвстын Ассьым вежалунӧс войтыръяс син водзын, сэки найӧ тӧдмаласны, мый Ме – Господь, – висьталӧ Господь Ыджыдыс. –

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Псалтыр 111:9

Сійӧ лышкыда разӧдӧ, сеталӧ гӧльяслы, сылӧн веськыда вӧчӧмыс кутас овны нэмъяс чӧж, сійӧ олӧ юрсӧ лэптӧмӧн, ӧд сійӧс пыдди пуктӧны.

Исай 64:8

Но Тэ, Господьӧй, – миян Батьным, ми – сёйыс, а Тэ – миянӧс Вӧчысьыс. Ми ставным – Тэнад киӧн вӧчӧмторъяс.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Галатӧ 4:6

Ӧні ті Енмыслӧн ныв-пи. Та вӧсна Ен сетіс сьӧлӧманыд Пиыслысь Ловсӧ. Тайӧ Лолыс шыасьӧ: «Авва, Батьӧй!»

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Восьтӧм 5:12

Найӧ гораа шуалісны: – Начкӧм Баляыс шогмана сибӧдны вынсӧ да озырлунсӧ, мывкыдлунсӧ да ёнлунсӧ, ошкӧм-нимӧдӧмсӧ да дзирдлунсӧ!

Псалтыр 115:3

Мыйӧн ме мынтыся Господьлы став бурсьыс, мый Сійӧ вӧчис меным?

Неемий 9:5

Сэсся Исус, Кадмиэл, Бани, Хашавни, Шеревий, Ходий, Шеваний да Петахий левитъяс шуисны: «Сувтӧй да ошкӧй Господьӧс, ассьыныд Ентӧ, ӧні да нэмъяс чӧж! Господьӧй, мед лоӧ кыпӧдӧма Тэнсьыд ыджыд нимтӧ! Сійӧ став ошкӧмсьыс медвылын!»

Матвей 7:11

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд уна пӧвстӧн бурсӧ сетас Сылысь корысьяслы.

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Псалтыр 72:18

Тэ сувтӧдан найӧс вильыд туй вылӧ, шыбитан найӧс пыдӧстӧм гуӧ.

Матвей 26:29

Висьтала тіянлы: ӧнісянь ог понды юны тайӧ виноград юансӧ сійӧ лунӧдз, кор понда юны тіянкӧд выльӧс Менам Батьлӧн Юраланінын».

Матвей 23:9

Тайӧ му вылас некодӧс энӧ ыдждӧдлӧй батьӧн, ӧд Батьыс тіян ӧти – енэжъяс вылын.

Матвей 5:16

Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».

2 Каднебӧг 20:6

Иосафат кевмысис: «Господьӧй, миян батьяслӧн Енмӧй! Тэ – енэжъяс вылын олысь Ен, Тэ веськӧдлан став войтыръясӧн. Тэнад киын выныс да ыджыдалӧмыс, некод оз вермы водзсасьны Тэкӧд.

Лука 15:18

Чечча да муна бать дінӧ, шуа сылы: Батьӧй, ме мыжа енэжыс водзын да тэ водзын.

Закар 14:9

Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.

Ӧксыяслӧн 3 небӧг 8:43

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

Аввакум 2:14

Кыдзи саридзыс тырӧма ваӧн, сідзи муыс лоӧ тырӧма Господьлысь дзирдлунсӧ тӧдӧмӧн.

Езекиль 38:23

Петкӧдла Ассьым вынӧс да вежалунӧс, восьта Ачымӧс уна войтыръяслӧн син водзын. Сэки найӧ тӧдмаласны, мый Ме – Господь».

1 Каднебӧг 17:24

Мед лоӧ ошкӧма Тэнсьыд нимтӧ нэмъяс чӧж! Мед шуасны: ”Господь Саваоф – Израильлӧн Ен”. Тэнад Давид кесйӧглӧн рӧдыс мед вӧрзьывтӧг сулалас Тэнад чужӧмбан водзын.

Ӧксыяслӧн 2 небӧг 7:26

Мед лоӧ ошкӧма Тэнсьыд нимтӧ нэмъяс чӧж! Мед шуасны: ”Господь Саваоф – Израильлӧн Ен”. Тэнад Давид кесйӧглӧн рӧдыс мед вӧрзьывтӧг сулалас Тэнад чужӧмбан водзын.

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

1 Тимофейлы 6:16

Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.

Лука 15:21

Пиыс шуас: ”Батьӧй, ме мыжа енэжыс водзын да тэ водзын. Ме ог шогмы шусьыны тэнад пиӧн”.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Матвей 6:14

Прӧститанныд кӧ мӧдлысь мыжъяссӧ, сэки енэжвыв Батьныд прӧститас тіянӧс.

Матвей 6:6

Но тэ пыр аслад вежӧсӧ, ӧдзӧстӧ пӧдлав да кевмысь тыдавтӧм Батьыдлы. Гусясӧ аддзысь Батьыд сетас тэныд аддзымӧнъя.

Матвей 5:48

Лоӧй енэжвыв Батьныд моз тырвыйӧ бурӧсь».

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Галатӧ 1:1

Гижӧ Павел. Менӧ пуктӧма апостолавны абу йӧз кӧсйӧм серти. Эз морт менӧ пукты апостолӧ, а Исус Кристос да Сійӧс ловзьӧдысь Ен Бать.

Иоан 20:17

Исус шуис сылы: «Эн инмӧдчы Ме дінӧ, Ме ӧд эг на кыпӧдчы Батьӧй дінӧ. Мун Менам вокъяс дінӧ да висьтав налы, мый Ме кыпӧдча Аслам Батьӧй да тіян Батьныд дінӧ, Аслам Енмӧй да тіян Енныд дінӧ».

Матвей 26:42

Исус мӧдысь муніс да бара кевмысис: «Батьӧй, Ме дінысь кӧ оз позь вештыны тайӧ чашасӧ, Меным кӧ колӧ юны сійӧс, мед лоас Тэнад кӧсйӧм серти».

Исай 37:20

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

Матвей 10:29

Оз-ӧ сӧмын ӧти урысь вузавны кык пышкайӧс? На пиысь весиг ӧти оз усь муӧ тіян Батьлӧн шутӧг.