Матвей 6:1 - Коми Библия 2023

¹ «Видзчысьӧй, тіян бур вӧчӧмныд мед оз ло йӧз водзын петкӧдлӧм могысь. Тадзи кӧ вӧчанныд, оз ло тіянлы енэжвыв Батьныдсянь удждоныс.

Матвей 6:1 Referans Kwoze

Матвей 23:5

Найӧ ставсӧ вӧчӧны йӧзлы петкӧдлӧм могысь: ӧшлӧны ас выланыс ыджыд кудъяс, кузьмӧдӧны паськӧм дорыш тугъяссӧ.

Иоан 12:43

Ӧд Енлӧн ошкӧм дорысь налы мусаджык вӧлі йӧзлӧн ошкӧмыс.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Галатӧ 6:12

Найӧ, кодъяс кӧсйӧны шогмыны йӧзлы, тшӧктӧны тіянӧс вундыштчыны сӧмын сы могысь, медым найӧс эз вӧтлыны Кристос крест вӧсна.

Иоан 5:44

Ті сибӧданныд ошкӧмсӧ ӧта-мӧдсяньныд, но ӧти Енсянь петысь ошкӧмсӧ онӧ корсьӧй. Сідзкӧ, кыдзи ті верманныд эскыны!

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

2 Иоан 1:8

Видзӧдӧй ас бӧрсяныд, медым ми эгӧ воштӧй сійӧ, мый вӧсна миян уджалӧма, но медым ми вермим босьтны удждонсӧ дзоньнас.

Марк 8:15

Исус шуис налы: «Видзчысьӧй фарисей да Ирӧд няньшомысь».

Матвей 6:16

«Видзаліганыд энӧ лоӧй жугыльӧсь кык бана шаньгаяс моз. Найӧ ветлӧны шог чужӧмӧн видзалӧмсӧ петкӧдлӧм могысь. Веськыда висьтала тіянлы: найӧ босьтӧны нин ассьыныс удждонсӧ.

Матвей 16:6

Исус шуис налы: «Видзчысьӧй фарисей да саддукей няньшомысь».

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Матвей 5:48

Лоӧй енэжвыв Батьныд моз тырвыйӧ бурӧсь».

Матвей 5:16

Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».

Лука 11:35

Видзӧд, мед югыдыс тэ пытшкын эз вӧв пемыд!

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Лука 12:1

Сэккості чукӧрмис уна сюрс морт, найӧ весиг дзескӧдісны ӧта-мӧднысӧ. Исус медводз шыасис велӧдчысьяс дінас: «Видзчысьӧй фарисей няньшомысь, налӧн кодь кык бана оласногысь.

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

Матвей 5:46

Радейтанныд кӧ тіянӧс радейтысьясӧс, мыйысь удждонсӧ виччысянныд? Оз ӧмӧй тадзи вӧчны тшӧтш вот перйысьяс?

Закар 7:5

– Висьтав тайӧ муас олысьяслы да попъяслы: кор ті шогалінныд да видзалінныд сизимдас во чӧж витӧд да сизимӧд тӧлысьясӧ, Меным-ӧ тайӧс ті вӧчинныд?

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Матвей 6:9

Кевмысьӧй тадзи: – Енэжвывса миян Бать, мед лоӧ вежаӧн Тэнад нимыд.

Индӧд 24:13

Шонді пуксьытӧдзыс бӧр сет сылы паськӧмсӧ, медым аслас паськӧмӧн водас узьнысӧ да бурсиас тэнӧ. Сэки тэ лоан аслад Господь Ен водзын веськыдӧн.

Еврейяслы 2:1

Та вӧсна миянлы ёнджыка на колӧ кутчысьны кывлӧмаыс дінӧ, медым эгӧ ылалӧй.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Еврейяслы 11:26

Кристос вӧсна лёкӧдӧмсӧ Мӧисей лыддис ыджыдджык озырлунӧн египетса став озырлун дорысь. Ӧд сійӧ тӧдіс, мый сылы лоӧ сетӧма тырдон.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Ӧксыяслӧн 4 небӧг 10:31

Но Еху эз зіль став сьӧлӧмсяньыс овны Господьлӧн, Израиль Енлӧн, Индӧд серти. Еху эз эновтчы сійӧ мыжъяссьыс, мыйӧн Еровам коркӧ кежӧдіс Израиль войтырӧс мыжас.

Ӧксыяслӧн 4 небӧг 10:16

Еху шуис: «Мунам мекӧд. Тэ аддзан, кыдзи сьӧлӧмсянь ме тышкася Господь вӧсна». Ионадав сӧліс Ехулӧн тарантасӧ, и найӧ мунісны водзӧ.

Закар 13:4

Сэки мукӧд ылӧгпророкъяслы яндзим лоӧ асланыс восьтӧмъясысь. Найӧ оз нин кутны пророкавны да пророк моз оз кутны пасьтасьны гӧнысь кыӧм паськӧмӧ, мед ылӧдлыны йӧзсӧ.

Ап. уджъяс 3:12

Петыр аддзис тайӧс да шуис йӧзыслы: «Израиль войтыр, мый ті шензьӧмӧн видзӧданныд миян вылӧ? Чайтанныд, ми ас вынӧн тайӧс вӧчим да миян вежавидзӧм понда сійӧ ветлӧдлӧ?