4 Шудаӧсь шогсьысьяс, ӧд найӧс шогсьыс пальӧдасны.
Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.
Ме аддзылі, мый найӧ вӧчисны, но Ме бурдӧда найӧс. Ме Ачым кута нуӧдны да бурдӧдны найӧс, Ме бурӧда шогалысьясӧс.
Шудаӧсь ті, ӧні тшыгъялысьяс, ӧд ті пӧтанныд. Шудаӧсь ті, ӧні бӧрдысьяс, ӧд ті понданныд серавны.
Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.
Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.
Гажӧдчӧй Ерусалимкӧд, нимкодясьӧй сыӧн ставныд, кодъяс радейтанныд сійӧс. Нимкодясьӧй сыкӧд ставныд, кодъяс бӧрдінныд сы вӧсна.
да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».
Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.
Ерусалимын олысь сионса войтыр, тэ он нин понды бӧрдны. Кор тэ шыасян Сы дінӧ, Сійӧ кутас буравны тэ дінӧ, Сійӧ кылас да вочавидзас тэныд.
Ӧвраам шуис: ”Пиукӧй, эн вунӧд, мый тэ босьтін нин бурсӧ, а Лазарлы лёкыс вичмис. Ӧні сійӧ сьӧлӧмсӧ бурмӧдӧ тані, а тэ мучитчан.
Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.
Курыд шог тіянлы, ӧні пӧтӧмаяс! Ті кутанныд на пыкны тшыглунсӧ. Курыд шог тіянлы, ӧні сералысьяс! Ті понданныд на шогсьыны-бӧрдны.
Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.
Исус шуис аньлы: «Эскӧмыд мездіс тэнӧ. Мун повтӧг».
Исуслӧн кок дорӧ копыртчӧмӧн сійӧ бӧрдіс, сылӧн синваыс визувтіс Исуслы кок вылас. Сійӧ чышкаліс Исуслысь коксӧ аслас юрсиӧн да окалігмоз мавтіс выйӧн.
Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.
Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.
