Матвей 5:39 - Коми Библия 2023

³⁹ Ме шуа тіянлы: тэныд лёксӧ вӧчысьлы паныд эн сувт. Веськыд банад кӧ кучкасны, лӧсьӧд шуйгасӧ.

Матвей 5:39 Referans Kwoze

1 Фессалоникаӧ 5:15

Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

1 Петыр 3:9

Лёк вӧчӧмысь энӧ мынтысьӧй лёкӧн, омӧльтӧмысь – омӧльтӧмӧн. Мӧдарӧ, бурсиӧй, ӧд ті тӧданныд, мый та вылӧ корӧма тіянӧс. Сэки тіянлы вичмас бурсиӧмыс.

Шусьӧгъяс 20:22

Эн шу: «Лёк вӧчӧмысь лёкӧн мынтыся», Господь вылӧ лачатӧ кут, и Сійӧ доръяс тэнӧ.

Бӧрданкыв 3:30

Мед чужӧмбансӧ бергӧдӧ кучкысьлань да нуӧ лёкӧдӧмсӧ.

Левит 19:18

Водзӧс эн перйы да эн скӧрав аслад войтырысь морт вылӧ, но радейт матыссатӧ асьтӧ моз. Ме – Господь [тіян Енныд].

Шусьӧгъяс 24:29

Эн шу: «Кыдзи сійӧ меным вӧчис, ме сылы сідзи жӧ вӧча, мынтыся сылы меным вӧчӧм серти».

Исай 50:6

Ме сеті кучкавны ассьым мышкӧс, лэдзи нетшкыны тошкӧс. Ассьым чужӧмӧс эг тупкы менӧ лёкӧдысьясысь да ме вылӧ сьӧлалысьясысь.

1 Коринфӧ 6:7

Ті кӧ мыжданныд ӧта-мӧднытӧ, тайӧн сӧмын янӧданныд асьнытӧ. Оз-ӧ бурджык ло, кутасны кӧ вӧчны тіянлы лёксӧ да мырддявны тіянлысь?

Яков 5:6

Ті мыждінныд да виинныд веськыда олысьӧс, сійӧ оз нин водзсась тіянлы.

Иов 16:10

Йӧзыс жергӧдісны ме вылӧ пиньнысӧ, лёкӧдӧмӧн кучкалӧны меным чужӧмбанӧ, ставныс ӧтувтчисны меным паныд.

Еврейяслы 12:4

Ті энӧ на вирӧдз тышкасьӧй мыжыслы паныд.

Лука 22:64

Сылысь чужӧмсӧ вевттьӧмӧн найӧ кучкалісны Сылы чужӧмас да шуалісны: «Висьтав, Пророк, коді кучкис Тэнӧ?»

Ӧксыяслӧн 3 небӧг 22:24

Кенаанлӧн Седекей пиыс матыстчис Микей дінӧ, кучкис сылы бан бокас да шуис: «Тэ чайтан, мый Господьлӧн лолыс эновтіс менӧ да кутіс сёрнитны тэ пыр?»

Микей 5:1

Ерусалимын олысьяс, петӧй тышӧ, ӧд миянӧс кытшалісны! Израильлысь ёрдысьӧс кутасны кучкавны, беддьӧн кучкаласны чужӧмбанас.

Матвей 5:40

Зільӧ кӧ кодкӧ ёрд пыр дӧрӧмтӧ босьтны, сет сылы тшӧтш вылыс паськӧмтӧ.

Лука 6:7

Индӧдӧ велӧдысьяс да фарисейяс сюся видзӧдісны Исус бӧрся, бурдӧдас-ӧ Сійӧ шойччан лунӧ, ӧд корсисны помка мыжавны Сійӧс.

Иоан 18:23

Исус вочавидзис: «Шуи кӧ мыйкӧ лёка, висьтав, мый Ме лёксӧ шуи. Шуи кӧ веськыда, мыйла Менӧ нӧйтан?»