Матвей 5:30 - Коми Библия 2023

³⁰ Веськыд киыд кӧ ыштӧдӧ тэнӧ, керышт сійӧс да шыбит. Бурджык ки пӧвтӧ воштыны вир-яйтӧ дзоньнас адӧ шыбитӧм дорысь.

Матвей 5:30 Referans Kwoze

Марк 9:43

Киыд кӧ ыштӧдӧ тэнӧ, керышт сійӧс. Бурджык пырны помтӧм олӧмӧ ки пӧлаӧн адӧ, куслытӧм биӧ, киаӧн веськалӧм дорысь.

Матвей 5:29

Веськыд синмыд кӧ ыштӧдӧ тэнӧ, перйы сійӧс да шыбит. Бурджык син пӧвтӧ воштыны вир-яйтӧ дзоньнас адӧ шыбитӧм дорысь.

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

1 Коринфӧ 8:13

Та вӧсна менам сёянӧй кӧ уськӧдӧ вокӧс, ме некор ог кут сёйны яй, медым менам вокӧй эз усь.

Лука 17:2

Сылы бурджык лоӧ, сьыліас кӧ ыджыд изки ӧшӧдасны да шыбитасны саридзӧ, тайӧ ичӧтъясысь ӧтикӧс ыштӧдӧм дорысь.

Матвей 13:21

но вужъясьтӧмысла оз дыр эскы, Ен кыв вӧсна дзескӧдігӧн-вӧтлігӧн сійӧ эновтчӧ эскӧмсьыс.

Лука 12:5

Висьтала, кодысь колӧ повнысӧ. Полӧй Сыысь, коді виӧм бӧрас вермӧ шыбитны адӧ. Шуа тіянлы: Сыысь полӧй.

Галатӧ 5:11

Вокъяс, ме кӧ ӧні важ мозыс на сулалі вундыштчӧм дор, менӧ нинӧмысь вӧлі вӧтлынысӧ. Сэки эськӧ крестыс некодлы эз ло мытшӧдӧн.

Римӧ 9:33

Та йылысь гижӧма: – Сионӧ Ме пукта из, кытчӧ найӧ крукасясны-усясны. Но Сылы эскысь оз янав.

Матвей 26:31

Исус шуис велӧдчысьясыслы: «Тавой ті ставныд эновтанныд Менӧ. Гижӧма: ”Видзысьсӧ кувмӧн дойда, и ыжъясыс разаласны”.

Матвей 22:13

Сэки ӧксы шуас кесйӧгъясыслы: ”Ки-коксӧ кӧрталӧмӧн шыбитӧй сійӧс пемыдас. Сэні лоӧ бӧрдӧм да пинь йирӧм”.

Матвей 25:20

Вит талант босьтысь содтӧд ваяс вит талант да шуас: ”Ыджыдӧй, тэ меным витӧс сетлін. Видзӧдлы, нӧшта менам вит содіс”.

Матвей 16:23

Бергӧдчӧмӧн Исус шуис Петырлы: «Вешйы Ме дінысь, сӧтана! Тэ Менӧ крукӧдан, ӧд тэнад мӧвпъясыд мортсянь, абу Енсянь».

Матвей 11:6

Шуда сійӧ, коді оз ӧтдортчы Меысь».

Матвей 5:22

Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Матвей 17:27

Мед оз дӧзмыны найӧ, мун ты дорас да чӧвт вугыртӧ. Медводдза шедӧм чери вомсьыс тэ аддзан эзысь сьӧм. Босьт сійӧс да мынты налы Ме пыдди и ас пыддиыд».

Матвей 18:8

Ки-кокыд кӧ ыштӧдӧ тэнӧ, керышт да шыбит сійӧс. Бурджык пырны помтӧм олӧмӧ ки пӧлаӧн либӧ кок пӧлаӧн куслытӧм биӧ тэнӧ киа-кокаӧн шыбитӧм дорысь.