Матвей 5:1 - Коми Библия 2023

¹ Уна йӧзӧс аддзӧм бӧрын Исус кайис керӧсӧ да пуксис. Сы дінӧ матыстчисны велӧдчысьясыс.

Матвей 5:1 Referans Kwoze

Марк 3:13

Исус кайис керӧсӧ. Сійӧ корис Ас дінас, кодӧс кӧсйис, и найӧ локтісны Сы дінӧ.

Матвей 15:29

Сэтысь Исус водзӧ мӧдіс. Сійӧ муніс Галилея ты пӧлӧн, сэсся кайис керӧсӧ да пуксис.

Марк 4:1

Исус бара велӧдіс ты дорын. Сы дінӧ чукӧртчис зэв уна йӧз, Сылы весиг ковмис пуксьыны пыжӧ. Пыжыс сулаліс ва вылын, а йӧзыс – вадорас.

Марк 3:20

Кор Исус бӧр локтіс гортас, сэтчӧ бара чукӧртчис уна йӧз. Исуслы да велӧдчысьясыслы эз вӧв позянлуныс весиг сёйыштнысӧ.

Матвей 4:25

Исус бӧрся муніс зэв уна йӧз. Найӧ вӧліны Галилеяысь, Даскарысь, Иудеяысь, Ерусалим карысь да Йӧрдан ю сайысь.

Матвей 13:2

Сы дінӧ чукӧртчис зэв уна йӧз, Сылы весиг ковмис пуксьыны пыжӧ, а йӧзыс сулалісны вадорас.

Матвей 5:2

Исус пондіс велӧдны:

Лука 6:12

Сійӧ лунъясӧ Исус кайис керӧсӧ кевмысьны да войбыд кевмысис сэні Енмыслы.

Лука 6:17

Велӧдчысьясыскӧд керӧсысь лэччӧм бӧрын Исус сувтіс шыльыдінӧ. Сэні вӧлі чукӧртчӧмаӧсь Сылӧн уна велӧдчысь, нӧшта став Иудея муысь, Ерусалим карысь, саридздорса Тир да Сидон каръясысь унасьыс-уна йӧз.

Лука 6:20

Аслас велӧдчысьяс вылӧ видзӧдӧмӧн Исус висьталіс: «Шудаӧсь ті, ловныдлы корысьяс, ӧд тіян эм Енлӧн Юралӧм.

Лука 9:28

Тайӧ сёрни бӧрас лун кӧкъямыс мысти Исус босьтіс Аскӧдыс Петырӧс, Иоанӧс, Яковӧс да кайис накӧд керӧсӧ кевмысьны.

Иоан 6:15

Исус тӧдіс, мый йӧзыс мырдӧн кӧсйӧны пуктыны Сійӧс ӧксыӧ, та вӧсна ӧтнас бӧр кайис керӧсӧ.