Матвей 4:19 - Коми Библия 2023

¹⁹ Исус шуис налы: «Локтӧй Ме бӧрся. Ме вӧча тіянӧс морт кыйысьясӧн».

Матвей 4:19 Referans Kwoze

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Матвей 16:24

Исус шуис велӧдчысьясыслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Лука 9:59

Мӧдлы Исус шуис: «Лок Ме бӧрся». Сійӧ воча шуис: «Господьӧй, лэдз меным медводз батьӧс дзебны».

Иоан 21:22

Исус шуис Петырлы: «Ме кӧ кӧсъя, медым сійӧ оліс Менам локтӧдз, мый тэ майшасян та вӧсна? Тэ лок Ме бӧрся».

Иоан 1:43

Аскинас Исус мӧдӧдчис Галилея муӧ. Сэтысь аддзис Филипӧс да шуис сылы: «Лок Ме бӧрся».

Лука 5:27

Сэтысь мунігас Исус аддзис вотчукӧртанінысь Левий нима вот перйысьӧс. Исус шуис сылы: «Лок Ме бӧрся».

Марк 2:14

Сэтысь мунігас Исус аддзис Алфей Левийӧс, коді пукаліс вотчукӧртанінын. Исус шуис сылы: «Лок Ме бӧрся». Сійӧ чеччис да муніс Исус бӧрся.

Матвей 19:21

Исус шуис: «Кӧсъян кӧ тырвыйӧ бурӧн лоны, мун, овмӧстӧ вузав, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Матвей 9:9

Исус водзӧ муніс да аддзис вотчукӧртанінын пукалысь Матвей нима мортӧс. Исус шуис сылы: «Лок Ме бӧрся». Сійӧ чеччис да муніс Исус бӧрся.

Матвей 8:22

Исус шуис сылы: «Лок Ме бӧрся, кулӧмаяс мед дзебасны кулӧмаяснысӧ».

2 Коринфӧ 12:16

Ме некор эг сьӧктӧдлы тіянӧс, тайӧ тадзи. Гашкӧ, ті лыддянныд менӧ пӧръясьысьӧн да наян мортӧн?

Матвей 4:18

Галилея ты пӧлӧн мунігӧн Исус аддзис кык вокӧс: Симонӧс, кодӧс нимтісны Петырӧн, да сылысь Ӧндрей воксӧ. Найӧ вӧліны чери кыйысьяс. Кык вок буретш вӧйтасисны ты вылын.

Матвей 4:20

Кык вок дзик пыр эновтісны тывъяснысӧ да мунісны Исус бӧрся.