8 Олӧмнад петкӧдлӧй мыжъяссьыныд бергӧдчӧмнытӧ.
Олӧмнад петкӧдлӧй мыжъяссьыныд бергӧдчӧмнытӧ. Энӧ лысьтӧй мӧвпавны, мый тіян батьныд Ӧвраам. Висьтала тіянлы: тайӧ изъясысь Ен вермӧ вӧчны Ӧвраамлы ныв-писӧ.
Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.
кутанныд вайны веськыда олӧмыслысь вотӧссӧ Енсӧ ошкӧм да аттьӧалӧм могысь. Тайӧ уджсӧ кутас вӧчны тіян пытшкын Исус Кристос.
Ӧд Ловлӧн вотӧсыс – бурлун, веськыдлун да збыльлун.
Гашкӧ, Иуда чужанкотыр кылас, кутшӧм шог Ме шуи мӧдӧдны налы, да бергӧдчас аслас лёк туй вылысь. Сэки Ме прӧстита налысь лёк вӧчӧмнысӧ да мыжнысӧ».
Веськӧдӧй ассьыныд туйяснытӧ, вӧчӧй бурсӧ да кывзысьӧй Господьлысь, асланыд Енлысь, сэки Господь вежас Ассьыс шуӧмсӧ да оз вӧч сійӧ лёксӧ, мый шуис вӧчны тіянлы.
Иоан локтіс индыны тіянлы веськыдлуныслысь туйсӧ, а ті сылы энӧ эскӧй. Вот перйысьяс да кырсалысь аньяс эскисны сылы. Ті весиг тайӧс аддзылӧм бӧрын энӧ бергӧдчӧй мыжъяссьыныд да энӧ эскӧй сылы».
Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.
