Матвей 27:4 - Коми Библия 2023

⁴ да шуис налы: «Ме мыж вӧчи, мыжтӧм мортӧс вузалі». Найӧ вочавидзисны: «Миянлы нӧ мый? Ачыд ӧд тӧдін».

Матвей 27:4 Referans Kwoze

1 Иоан 3:12

Огӧ лоӧй Каин кодьӧсь, ӧд сійӧ вӧлі омӧльсяньыс да виис ассьыс воксӧ. Мыйла виис? Каинлӧн уджъясыс вӧліны лёкӧсь, а вокыслӧн – веськыдӧсь.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Титлы 1:16

Найӧ шуӧны, тӧдам пӧ Енсӧ, но уджыс налӧн мӧдтор йылысь висьталӧ. Найӧ мустӧмӧсь, кывзысьтӧмӧсь и бурсӧ вӧчны оз сяммыны.

1 Тимофейлы 4:2

Татшӧм велӧдӧмыс петӧ пӧръясьысьяссянь, кык бана шаньгаяссянь, кодъяс воштӧмаӧсь яндзимнысӧ.

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Ап. уджъяс 13:28

Эз сюр мыжыс, мед вины Сійӧс, но корисны Пилатӧс, мед тшӧктас винысӧ.

Иоан 19:7

Найӧ вочавидзисны: «Миян эм Индӧд. Индӧдным серти Сылы колӧ кувны, ӧд Асьсӧ Сійӧ Ен Пиӧн шуӧ».

Лука 23:47

Лоӧмторсӧ аддзӧм бӧрын сё тышкамортӧн веськӧдлысь Енмӧс ошкигтырйи шуис: «Тайӧ Мортыс збыльысь веськыда олысь вӧлӧма».

Лука 23:41

Миянӧс веськыда мыждӧма, асланым лёк вӧчӧмъясысь, а тайӧ Мортыс лёксӧ эз вӧчлы».

Лука 23:22

Пилат коймӧдысь шыасис на дінӧ: «Мый лёксӧ Сійӧ вӧчис? Ме ог аддзы сэтшӧм мыжсӧ, мыйысь эськӧ колӧ вины Сійӧс. Тшӧкта нӧйтны, сэсся лэдза».

Матвей 27:54

Му вӧрӧмысь да став лоӧмторсӧ аддзӧмысь Исусӧс видзысьяс да налӧн веськӧдлысьыс ёна повзисны да шуисны: «Тайӧ Мортыс збыльысь Ен Пи вӧлӧма».

Матвей 27:19

Сэки Пилатлӧн гӧтырыс мӧдӧдіс мыжданінӧ висьтавны верӧсыслы: «Тайӧ веськыда олысьыслы лёксӧ эн вӧч. Тавой вӧтын ме ёна шогси Сы понда».

Иона 1:14

Сэки найӧ шыасисны Господь дінӧ: «Господьӧй, корам Тэнӧ, эн бырӧд миянӧс тайӧ мортыс вӧсна, эн перйы миянлысь водзӧс мыжтӧмӧс виӧмысь. Господьӧй, Тэ вӧчин, мый кӧсйин».

Еремей 26:15

Сӧмын тӧдӧй, ті кӧ вианныд менӧ, сэки тіянлы, тайӧ карыслы да карас олысьяслы ковмас кывкутны мыжтӧм мортлӧн вирысь. Тіян дінӧ менӧ збыльысь мӧдӧдіс Господь, медым ме юӧрті став тайӧ кывъяссӧ».

Иов 16:2

– Татшӧм сёрнисӧ ме унаысь нин кывлі, ті ставныд – туйтӧм бурӧдысьяс.

Ӧксыяслӧн 4 небӧг 24:4

Манассей кисьтіс мыжтӧм йӧзлысь вирсӧ сы мында, мый Ерусалим тырис вирӧн. Та вӧсна Господь эз прӧстит сійӧс.

Ӧксыяслӧн 3 небӧг 21:27

Иллялысь кывъяссӧ кылӧм бӧрын Ахав [раммӧдчис Господь водзын да бӧрдӧмӧн ветлӧдліс,] косяліс ассьыс паськӧмсӧ, пасьталіс шогалан паськӧм да пондіс видзавны. Ахав ветлӧдліс юрсӧ ӧшӧдӧмӧн, весиг узьліс шогалан паськӧмнас.

Ӧксыяслӧн 1 небӧг 15:30

Саул шуис: «Ме мыжми. Но эн янӧд менӧ Израильлӧн юрнуӧдысьяс водзын да аслам войтыр водзын. Лок, бӧр мунам, и ме копыртчыла Господьлы, тэнад Енлы».

Ӧксыяслӧн 1 небӧг 15:24

Саул вочавидзис Самуиллы: «Ме мыж вӧчи – торки Господьлысь тшӧктӧмсӧ да эг вӧч тэнад шуӧм серти. Ме йӧзсьыс полі, та вӧсна кывзі найӧс.

Петӧм 12:31

Войнас фараон корис Мӧисейӧс Ааронкӧд да шуис налы: «Петӧй менам войтыр пӧвстысь ті да став Израиль войтырныд! Мунӧй, юрбитӧй Господьлы [асланыд Енлы], кыдзи ті и коринныд.

Петӧм 9:27

Фараон корис Мӧисейӧс да Ааронӧс, сэсся шуис налы: «Ӧні ме мыж вӧчи. Господь веськыд, а ме да менам войтырӧй – мыжаӧсь.

Восьтӧм 11:10

Мувывса йӧзыс кутасны нимкодясьны да гажӧдчыны, весиг козьналасны ӧта-мӧдныслы козинъяс, ӧд тайӧ кык пророкыс ёна мучитісны найӧс.

Иов 13:4

А ті мичмӧданныд ылӧгсӧ, ті – шогмытӧм бурдӧдысьяс.

Ӧксыяслӧн 1 небӧг 19:5

Филистимсакӧд вермасигӧн сійӧ вермис воштыны ассьыс олӧмсӧ, но Господь сетіс ыджыд вермӧм став Израильлы. Тэ ачыд аддзылін тайӧс да нимкодясин. Мыйла тэныд мыж вӧчны, мыжтӧм мортлысь вир кисьтны? Мыйла помкатӧг вины Давидӧс?»

Шусьӧгъяс 12:8

Мортӧс ошкӧны сылӧн мывкыдыс серти, лёкӧн тырӧм сьӧлӧмаӧс зывӧктӧны.