Матвей 27:31 - Коми Библия 2023

³¹ Сералӧм-лёкӧдӧм бӧрын найӧ босьтісны Исус вылысь гӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.

Матвей 27:31 Referans Kwoze

Исай 53:7

Сійӧс нӧйтісны-дойдалісны, Сійӧ сьӧкыдсӧ нуис Ас кӧсйӧм сертиыс, воча эз шуась. Ыжӧс моз Сійӧс нуӧдісны начкыны, шырысь водзын чӧв олысь баля моз Сійӧ эз восьтлы Ассьыс вомсӧ.

Еврейяслы 13:12

Исус тшӧтш куліс кар ортсыас, медым Аслас вирӧн вежӧдны йӧзсӧ.

Ап. уджъяс 7:58

Сэсся петкӧдісны сійӧс кар сайӧ да пондісны изъявны. Изъялысьяс пукталісны вылыс паськӧмнысӧ Савл нима том мортлӧн кок дорӧ.

Матвей 21:39

Найӧ кутасны сійӧс, петкӧдасны виноград йӧрсьыс да виасны.

Ӧксыяслӧн 3 небӧг 21:13

Локтісны кык шогмытӧм морт да пуксисны Навотлы воча. Став йӧз водзас найӧ шуалісны: «Навот омӧльтіс Енмӧс да ӧксыӧс». Сэсся Навотӧс петкӧдісны кар сайӧ да кувтӧдзыс изъялісны.

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Иоан 19:27

Сэсся велӧдчысьыслы шуис: «Тайӧ тэнад мамыд». Сэксянь тайӧ велӧдчысьыс босьтіс Марияӧс ас дінас.

Иоан 19:16

Сэки Пилат сетіс Исусӧс тувъявны крестӧ. Исусӧс нуӧдісны сэтысь.

Матвей 20:19

сетасны ентӧдтӧмъяс киӧ. Найӧ сераласны-лёкӧдасны Сійӧс, чорыда нӧйтасны, сэсся тувъяласны крестӧ. Но коймӧд луннас Сійӧ ловзяс».

Лыд 15:35

Господь шуис Мӧисейлы: «Тайӧ мортсӧ колӧ вины. Став войтырыс мед изъялас сійӧс чомъяс сайын».

Матвей 26:2

«Кык лун мысти, ті тӧданныд, Ыджыд лун лоӧ. Тайӧ кадӧ Морт Пиӧс вузаласны да крестӧ тувъяласны».

Марк 15:20

Сералӧм-лёкӧдӧм бӧрын найӧ босьтісны Исус вылысь пемыдгӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.