Матвей 26:3 - Коми Библия 2023

³ Аркирейяс, Индӧдӧ велӧдысьяс да юрнуӧдысьяс чукӧртчисны Каиаф аркирейлӧн керкаӧ.

Матвей 26:3 Referans Kwoze

Иоан 18:24

Исусӧс кӧртавлӧмӧн Аннас мӧдӧдіс Сійӧс Каиаф аркирей дінӧ.

Марк 14:54

Петыр бӧрӧ кольччӧмӧн вӧтчис Исус бӧрся аркирей керка дорӧдз. Пырис йӧрас да пуксис кесйӧгъяскӧд орччӧн би дорӧ шонтысьны.

Иоан 18:28

Асывводзнас Каиафсянь Исусӧс нуӧдісны римса юралысьлӧн керкаӧ. Иудейяслӧн веськӧдлысьяс эз пырны керка пытшкас, медым эз пежасьны да вермисны сёйны ыджыдлунся сёян.

Иоан 11:57

Аркирейяс да фарисейяс водзвыв тшӧктісны йӧзыслы, мый аддзас кӧ кодкӧ Исусӧс, мед юӧртас та йылысь, медым найӧ вермисны кутны Исусӧс.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Еремей 11:19

Рам ыж моз, кодӧс нуӧдӧны начкыны, ме эг тӧд, мый найӧ вӧлі мӧвпыштӧмаӧсь вӧчны меным паныд. Найӧ шуисны, пусӧ пӧ вотӧснас кералам, бырӧдам пӧ сійӧс ловъяяс пӧвстысь, медым сылысь нимсӧ дзикӧдз вунӧдасны.

Псалтыр 56:6

Енмӧй, Тэнӧ нимӧдӧмыс мед кыптас енэжъясысь на вылӧджык, Тэнад дзирдлуныд мед паськалас став му пасьтала!

Лука 3:2

Аннас да Каиаф вӧліны аркирейясӧн. Тайӧ кадӧ Енсянь кыв воис Иоанлы, Закар пилы, коді оліс овтӧминын.

Матвей 26:69

Петыр пукаліс йӧрас. Ӧти кесйӧг ань матыстчис сы дінӧ да шуис: «Тэ тшӧтш галилеяса Исускӧд вӧлін».

Матвей 27:27

Шыпуртаяс нуӧдісны Исусӧс юралысьлӧн керкаӧ, сэтчӧ вайӧдісны тышкайӧзӧс.

Марк 14:66

Петыр вӧлі керка йӧрас. Аркирейлӧн кесйӧгъяс пиысь ӧти ань локтіс сэтчӧ.

Марк 15:16

Шыпуртаяс нуӧдісны Исусӧс римса юралысьлӧн керка йӧрӧ, сэтчӧ вайӧдісны тышкайӧзӧс.

Лука 22:55

Йӧр пытшкас ӧзтісны бипур, йӧзыс пуксялісны сы гӧгӧр. Петыр тшӧтш пуксис.