Матвей 26:28 - Коми Библия 2023

²⁸ Тайӧ Менам вир – Выль Йитӧдлӧн вир, сійӧ киссьӧ уналысь мыжъяссӧ прӧститӧм вӧсна.

Матвей 26:28 Referans Kwoze

Левит 17:11

ӧд быд ловъя олысьлӧн олӧмыс сылӧн вирас. Мыжнытӧ вештӧм могысь Ме тшӧкті тіянлы вир вайны висьпуктанін вылӧ, ӧд вирын олӧм, и сійӧ вештӧ мыжнытӧ.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

1 Коринфӧ 11:25

Сёйӧм бӧрас босьтіс тшӧтш чаша да шуис: «Тайӧ чашаыс – Выль Йитӧд, кӧрталӧма Менам вирӧн. Быдпӧрйӧ, тайӧ чашасьыс юигӧн, казьтывлӧй Менӧ».

1 Иоан 2:2

Сійӧ – миянлысь мыжнымӧс вештысь, и абу сӧмын миянлысь, а став муюгыдыслысь.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Закар 9:11

Вирӧн вынсьӧдӧм йитӧд вӧсна Ме мезда пленӧ босьтӧмаястӧ, петкӧда найӧс ватӧм гуысь.

Колосӧ 1:14

Ӧд Пиыс вештысис миян вӧсна Аслас вирнас да прӧститіс мыжъяснымӧс.

Лука 22:19

Сэсся Исус босьтіс нянь, Енмӧс аттьӧалӧмӧн чегъяліс няньсӧ да велӧдчысьяслы сетігас шуис: «Тайӧ Менам яй, сійӧс лоӧ сетӧма тіян вӧсна. Вӧчӧй тайӧс Менӧ казьтывлӧм могысь».

Колосӧ 1:20

медым Сы пыр сетны бурасьӧм да Сылӧн крествывса вирнас бурӧдны Аскӧдыс мувывсасӧ да енэжвывсасӧ.

Римӧ 5:19

Ӧтилӧн кывзысьтӧм вӧсна кӧ ставӧн лоисны мыжаӧсь, тадзи ӧтилӧн кывзысьӧм вӧсна ставӧн лоасны веськыдӧсь.

Марк 14:24

Исус шуис налы: «Тайӧ Менам вир – Выль Йитӧдлӧн вир, сійӧ киссьӧ уна вӧсна.

Еремей 31:31

Воасны лунъяс, – висьталӧ Господь, – кор Ме кӧртала Израиль да Иуда войтыркӧд выль йитӧд.

Восьтӧм 7:9

Сэсся ме видзӧдлі да аддзи, мый юралан пуклӧс водзын да Баля водзын сулаліс лыдтӧм-тшӧттӧм йӧз чукӧр. Найӧ вӧліны быд чужанвужйысь да чужанкотырысь, быд кыла йӧз пытшкысь да быд войтырысь. Найӧ вӧліны еджыд паськӧмаӧсь, а кианыс кутісны пальма росъяс

Римӧ 5:15

Но мыж вӧчӧмсӧ оз позь ӧткодявны буралӧмкӧд. Ӧти мортлӧн мыжыс вайис ставныслы кулӧм, и тшӧтш ӧти морт пыр, Исус Кристос пыр, дзик ставныслы уна пӧвстӧн вичмӧ Енсянь буралӧм да сетӧмторъяс.

Марк 1:4

Локтіс Иоан. Сійӧ пыртіс йӧзӧс овтӧминын да юӧрталіс: «Бергӧдчӧй мыжъяссьыныд да пыртчӧй, медым Ен прӧститас мыжъяснытӧ».

Матвей 6:12

И прӧстит миянлысь мыжъяснымӧс, кыдзи ми прӧститам миян водзын мыжаясӧс.

Матвей 26:27

Сэсся босьтіс чаша, аттьӧаліс Енмӧс да велӧдчысьяслы сетігас шуис: «Юӧй татысь быдӧн.

Матвей 26:29

Висьтала тіянлы: ӧнісянь ог понды юны тайӧ виноград юансӧ сійӧ лунӧдз, кор понда юны тіянкӧд выльӧс Менам Батьлӧн Юраланінын».

Лука 22:20

Сёйӧм бӧрас босьтіс чаша да сійӧс сетігас шуис: «Тайӧ чашаыс – Выль Йитӧд, кӧрталӧма Менам вирӧн, сійӧ киссьӧ тіян вӧсна.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.