Матвей 24:7 - Коми Библия 2023

⁷ Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм да тшыгъялӧм, йӧзсӧ суас кулана висьӧм.

Матвей 24:7 Referans Kwoze

Лука 21:11

Уналаын лоас му вӧрӧм да тшыгъялӧм, йӧзсӧ суас кулана висьӧм. Лоасны повзьӧдана петкӧдчӧмъяс да енэжсянь индысьпасъяс.

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.

Исай 19:2

Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.

Закар 14:13

Сійӧ лунӧ Господь кыпӧдас войтыръяс костын ыджыд шызьӧм. Найӧ уськӧдчасны ӧта-мӧд выланыс, лэптасны кинысӧ асланыс матысса вылӧ.

Ап. уджъяс 11:28

На пиысь Агав нима пророк Ловсянь водзвыв висьталіс, мый став му пасьтала лоас ыджыд тшыгъялӧм. Клавдий кесар дырйи тадзи и лоис.

2 Каднебӧг 15:6

Войтыръяс тышкасисны ӧта-мӧдныскӧд, ӧти карын олысьяс тышкасисны мӧд карын олысьяскӧд. Енмыс мӧдӧдліс налы уна сьӧкыдлун, та вӧсна найӧ шызьывлісны.

Восьтӧм 6:12

Кор Баля жугӧдіс квайтӧд печатьсӧ, ме аддзи, мый муыс кутіс ёна вӧрны, шондіыс пемдіс да лои сьӧд дӧра кодь, а тӧлысьыс лои вир гӧрд рӧма.

Еврейяслы 12:27

”Нӧшта ӧтчыдысь” шуӧмыс висьталӧ, мый став вӧчӧмторсьыс вӧрзянаыс бырас, коляс сӧмын вӧрзьывтӧмыс.

Езекиль 21:27

Жугла-кисьта тайӧ карсӧ, вӧча сійӧс из чукӧрӧн. Тадзи лоас, кытчӧдз оз лок сійӧ, кодлы сетӧма веськыда мыждыны карсӧ. Сэки Ме карсӧ сета сылы.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Ап. уджъяс 2:19

Енэжын петкӧдла шензьӧданаторъяс, му вылын – индысьпасъяс: вир, би да тшын.

Исай 29:6

Господь Саваоф локтас тэ дінӧ гым да му вӧрӧм моз, ыджыд шыа бушков да гартчан тӧвныр моз, ставсӧ сотысь би моз.

Восьтӧм 6:5

Кор Баля жугӧдіс коймӧд печатьсӧ, ме кылі коймӧд ловъя олысьлысь шуӧмсӧ: «Лок да видзӧд!» Ме видзӧдлі да аддзи сьӧд вӧлӧс. Сы вылын пукалысьлӧн киас вӧлі вески.

Восьтӧм 6:6

Сэсся нёль ловъя олысь шӧрысь ме кылі кодлыськӧ гӧлӧс шысӧ. Сійӧ шуис: «Ӧти хиникс шобдіысь – ӧти динар. Куим хиникс идйысь – тшӧтш сы мында. Но выйсӧ да винасӧ эн тшыкӧд!»