22 Мый коранныд кевмысиганыд эскӧмӧн, лоӧ тіянлы».
«Корӧй, и тіянлы сетасны, корсьӧй, и ті аддзанныд, игӧдчӧй, и тіянлы восьтасны.
Та вӧсна висьтала тіянлы: мый коранныд кевмысиганыд, эскӧй, мый сійӧ лоӧ тіянлы, и лоӧ тадзи.
Сэки мый корам, босьтам Сысянь, ӧд олам Сылӧн тшӧктӧмъяс серти да вӧчам Сылы шогманасӧ.
Веськыда висьтала тіянлы: тіян пиысь кӧ кыкӧн ӧтвыв корасны мыйкӧ, енэжвыв Батьӧй сетас налы.
Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.
Мый коранныд Батьлысь Менам нимӧн, сійӧс Ме вӧча, медым Батьлӧн дзирдлуныс воссис Пиыс пыр.
Ӧнӧдз ті нинӧм энӧ корлӧй Менам нимӧн. Корӧй, и лоӧ сетӧма тіянлы. Сэки тіян нимкодьлунныд лоӧ помтӧм-дортӧм.
Лоанныд кӧ Ме пытшкын, да Менам кывъясӧй кӧ лоӧны тіян пытшкын, сэки корӧй, мый кӧсъянныд, и лоас тіянлы.
Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд уна пӧвстӧн бурсӧ сетас Сылысь корысьяслы.
