Матвей 2:13 - Коми Библия 2023

¹³ Тӧдысьяслӧн мунӧм бӧрын Господьлӧн андел петкӧдчис Ӧсиплы вӧтас да шуис: «Чеччы, босьт кагатӧ мамыскӧд да пышйы Египет муӧ. Ов сэні менам шутӧдз. Ирӧд кутас корсьны кагатӧ, мед вины Сійӧс».

Матвей 2:13 Referans Kwoze

Ап. уджъяс 12:11

Сэки Петыр воис ас садяс да шуис: «Ӧні ме збыльысь тӧда, мый Господь мӧдӧдіс Ассьыс анделсӧ, мед мездыны менӧ Ирӧд киысь да иудей войтырлӧн меным дасьтӧм лёк вӧчӧмысь».

Ап. уджъяс 10:7

Андел мунӧм бӧрын Корнилий корис ассьыс кык кесйӧгсӧ да вежавидзӧмӧн олысь ассьыс киподувса тышкамортӧс.

Ап. уджъяс 5:19

Войнас Господьлӧн андел восьтіс дзескыдінысь ӧдзӧсъяссӧ да петкӧдіс найӧс сэтысь. Андел шуис налы:

Матвей 2:12

Узиганыс Ен ӧлӧдіс тӧдысьясӧс Ирӧд дінӧ бӧр мунӧмысь. Та вӧсна найӧ мӧдісны ас муаныс мӧд туйӧд.

Матвей 1:20

Кор Ӧсип мӧвпаліс тадзи, Господьлӧн андел петкӧдчис сылы вӧтас да шуис: «Ӧсип, Давид пи, эн пов босьтны Мариятӧ гӧтырӧ. Сьӧлӧм улас сылӧн кагаыс Вежа Ловсянь.

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Иов 33:15

Вӧтын, войся петкӧдчылӧмын, кор мортсӧ унмыс личкӧма нин, кор сійӧ вугыртӧма нин вольпасяс,

Иов 33:17

медым ылыстны мортсӧ лёк вӧчӧмысь, мездыны вылӧ кыпӧдчӧмысь,

Нав Исус 4:18

Господьлысь Йитӧд куд нуысь попъяс петісны Йӧрдан юысь. Налӧн кокныс сӧмын тувччис Йӧрдан ю берегас, юын ваыс важ мозыс кутіс ёна визувтны.

Восьтӧм 12:14

Аньлы вӧлі сетӧма ыджыд кутшлысь кык борд, медым сійӧ лэбзис змейысь овтӧминӧ, сылы дасьтӧминӧ. Сэні кутасны вердны сійӧс куим во да джын.

Ап. уджъяс 16:36

Видзысь висьталіс та йылысь Павеллы: «Юралысьяс тшӧктісны лэдзны тіянӧс. Верманныд петны да мунны лӧня».

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Ап. уджъяс 7:19

Сійӧ наяна пӧрйӧдліс миянлысь войтырнымӧс, дзескӧдіс батьяснымӧс, тшӧктіс налы эновтны ассьыныс пузчужӧм кагаяссӧ, медым найӧ ловйӧн эз кольны.

Матвей 10:23

Ӧти карысь кӧ тіянӧс вӧтласны, пышйӧй мӧдӧ. Веськыда висьтала тіянлы: Израильысь став карсӧ кытшовттӧдзныд на Морт Пи локтас.

Нав Исус 3:17

Войтырыс вуджис Йӧрдан юсӧ Ерикон кар весьтӧд. Господьлысь Йитӧд куд нуысь попъяс сулалісны Йӧрдан ю шӧрын косінас, кытчӧдз Израиль пиян эз вуджны Йӧрдан юсӧ косінті.

Восьтӧм 12:6

А аньыс пышйис овтӧминӧ. Сэні Енмыс дасьтӧма вӧлі оланін, медым вердны тайӧ аньсӧ сюрс кыксё квайтымын лун чӧж.

Нав Исус 4:10

[Господьлысь] Йитӧд куд нуысь попъяс сулалісны Йӧрдан ю шӧрын, кытчӧдз эз вӧв вӧчӧма ставсӧ, мый Господь тшӧктіс Исус пыр войтырыслы. Исус вӧчис ставсӧ сідзи, кыдзи тшӧктіс Мӧисей. Войтырыс тэрмасьӧмӧн вуджис юсӧ.

Нав Исус 3:13

Став му пасьтала ыджыдалысь Господьлысь Йитӧд куд нуысь попъяс кор тувччасны Йӧрдан юӧ, сэки ваыс дугдас визувтны да сувтас стенӧн».

Восьтӧм 12:4

Бӧжнас сійӧ чышкыштіс енэжсьыс кодзувъяслысь коймӧд юкӧнсӧ да шыбитіс найӧс му вылӧ. Сэсся гундыр сувтіс чужтысь аньлы воча, медым чужтӧм бӧрас сёйны сылысь пузчужӧм кагасӧ.

Матвей 2:22

Сэки Иудея муын веськӧдліс Ирӧд ӧксылӧн Аркелай пиыс. Тайӧс кывлӧм бӧрын Ӧсип повзис сэтчӧ мунӧмысь. Сэки вӧтас сылы вӧлі шуӧма мунны Галилея муӧ.

Ӧксыяслӧн 3 небӧг 3:5

Войнас Гаваонын Соломонлы вӧтас петкӧдчис Господь Ен да шуис: «Кор Менсьым, мый кӧсъян, и Ме сета тэныд».

Матвей 2:14

Ӧсип садьмис, босьтіс кагасӧ мамыскӧд да войнас мӧдӧдчис Египет муӧ.

Ап. уджъяс 12:7

Виччысьтӧг Господьлӧн андел сувтіс сы водзӧ, и гӧгӧр югдіс. Петырлы инмӧдчиг андел садьмӧдіс сійӧс да шуис: «Чеччы ӧдйӧджык». Петырлӧн киыс дзик пыр мыніс чепъясысь.

Ӧксыяслӧн 3 небӧг 11:17

Но Хадад да батьыслӧн ӧткымын эдомса кесйӧг пышйисны Египетӧ. Хадад сэки вӧлі ичӧт зонка на.