Матвей 2:11 - Коми Библия 2023

¹¹ Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Матвей 2:11 Referans Kwoze

Исай 60:6

Тэ дінӧ локтас уна верблюд, Мадианысь да Эфаысь локтасны том верблюдъяс. Саваын олысьяс локтасны тэ дінӧ, ваясны чӧскыд ӧвтанторъяс да зарни, кыпӧдасны Господьлы ошкӧм.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Лука 2:16

Найӧ тэрмасьӧмӧн мунісны да аддзисны сэтысь Марияӧс, Ӧсипӧс да лясниын куйлысь кагаӧс.

Матвей 2:2

Найӧ юалісны: «Кӧні иудейяслӧн пузчужӧм ӧксыыс? Асыввылысь ми аддзылім Сылысь кодзувсӧ да локтім Сылы копыртчывны».

Псалтыр 95:6

Сылӧн эм ыджыдалӧм да дзирдлун, Сылӧн вежаинын – вын да мичлун.

Псалтыр 72:15

Но ме кӧ шуи, мый кута на моз сёрнитны, ме эськӧ мыжа вӧлі Тэнад войтырыд водзын.

Ӧксыяслӧн 3 небӧг 10:2

Сійӧ локтіс Ерусалимӧ зэв уна йӧзкӧд. Верблюдъяс вылын найӧ вайисны зэв уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

Лыд 7:14

Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Матвей 14:33

Пыжын пукалысьяс копыртчисны Исус водзӧ да шуисны: «Тэ збыльысь Ен Пи».

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.

Лука 2:38

Буретш Симеонлӧн висьталігӧн сійӧ матыстчис, пондіс ошкыны Енмӧс да висьтавлыны кага йылысь ставныслы, Ерусалимын мездмӧмсӧ виччысьысьяслы.

Ӧксыяслӧн 1 небӧг 10:27

А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс.

Лыд 7:86

Чӧскыд дука тшынӧдчантор тыра зарни кӧшыс вӧлі дас кык. Вежаинса сикель серти быд зарни кӧшлӧн сьӧктаыс вӧлі дас сикель, ставнас – сё кызь сикель.

Левит 6:15

Тайӧ вайӧмторсьыс поп мед босьтас китыр пызь да олив вый, тшӧтш став ладансӧ, да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Петӧм 30:34

Господь тшӧктіс Мӧисейлы: «Босьт ӧтмындаӧн чӧскыд ӧвтанторъяс – стакти, оних да халван, тшӧтш ладан сир.

Олӧм 43:11

Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Псалтыр 45:8

Господь Саваоф миянкӧд, Яковлӧн Енмыс – миянӧс Дорйысьыс.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Ӧксыяслӧн 3 небӧг 10:10

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

Петӧм 30:23

«Босьт медчӧскыд ӧвтанторъяс: витсё сикель кизьӧр смирна, сыысь кык пӧв этшаджык чӧскыда ӧвтысь корица, тшӧтш кыксё ветымын сикель чӧскыд дука турун,

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Матвей 1:18

Исус Кристос чужис тадзи. Исуслӧн Мария мамыс вӧлі кикутӧма Ӧсипкӧд. Налӧн ӧтлаасьтӧдз на Мария, вӧлӧмкӧ, сьӧктӧма Вежа Ловсянь.

Матвей 2:10

Кодзув аддзӧмысь тӧдысьяслы лои зэв нимкодь.

Матвей 12:46

Йӧзкӧд Исуслӧн сёрнитігкостіыс локтісны Сылӧн мамыс да вокъясыс. Найӧ сулалісны ывлаас да кӧсйисны сёрнитыштны Сыкӧд.

Иоан 19:39

Сэтчӧ локтіс тшӧтш Никодим, коді коркӧ войнас воліс Исус дінӧ. Сійӧ вайис комын кило кымын смирнаысь да алоэысь вӧчӧм мавтас.