Матвей 2:1 - Коми Библия 2023

¹ Исус чужис Иудея муын, Виплием карын, Ирӧд ӧксы веськӧдлан кадӧ. Исуслӧн чужӧм мысти асыввылысь Ерусалим карӧ воисны кодзув тӧдысьяс.

Матвей 2:1 Referans Kwoze

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Иоан 7:42

Оз ӧмӧй висьтав Гижӧдыс, мый Кристос петас Давид вужйысь, Виплием карысь, кытысь вӧлі Давид?»

Лука 2:11

Талун Давид карын тіянлы чужис Мездысь – Господь Кристос.

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Матвей 2:5

Найӧ вочавидзисны: «Иудея муын, Виплием карын. Тадзи пророклӧн гижӧма:

Матвей 1:25

но эз узьлы сыкӧд. Мария чужтіс пи, ассьыс медводдза кагасӧ. Ӧсип пуктіс Сылы Исус ним.

Лука 2:15

Анделъяслӧн енэжӧ кайӧм бӧрын ыж видзысьяс шуисны ӧта-мӧдныслы: «Мунамӧй Виплиемӧ, видзӧдлам Господьсянь миянлы юӧртӧм лоӧмторсӧ».

Лука 1:5

Ирӧд ӧксыалан лунъясӧ Иудея муын оліс Закар нима поп, сійӧ вӧлі Авий поп котырысь. Закарлӧн Елизавета гӧтырыс вӧлі Аарон чужанвужйысь.

Ӧксыяслӧн 3 небӧг 4:30

Соломонлӧн мывкыдлуныс вӧлі ёна ыджыдджык асыввылын олысь да Египетын олысь мывкыда йӧзлӧн дорысь.

Олӧм 25:6

Олігас на сійӧ сеталіс козинъяс кесйӧг-гӧтыръясыслӧн пияныслы да ыстіс найӧс Исаак пи дорсьыс ылӧджык, асыввыв муясӧ.

Матвей 2:19

Ирӧд кулӧм бӧрын Египет муын Господьлӧн андел петкӧдчис Ӧсиплы вӧтас

Матвей 2:3

Тайӧс кылӧм бӧрын Ирӧд ӧксы инас эз кут ӧшйыны, шызис тшӧтш дзоньнас Ерусалим карыс.

Олӧм 10:30

Налӧн оланінъясыс вӧліны Мешасянь Сефарӧдз, асыввыв керӧсӧдз.

Иов 1:3

Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

Олӧм 41:8

Асывнас фараон пондіс майшасьны. Сійӧ корис египетса тӧдысьясӧс да мывкыда йӧзӧс и висьталіс налы ассьыс вӧтсӧ. Но некод эз куж гӧгӧрвоӧдны фараонлысь вӧтсӧ.

Ёрдысьяс 17:7

Иуда муын Виплием карын, Иуда чужанкотыр пӧвстын, оліс ӧти том левит.

Матвей 2:7

Ирӧд ас дінас гусьӧн корис тӧдысьясӧс да юаліс налысь кодзув петан кадсӧ.

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.