Матвей 19:9 - Коми Библия 2023

⁹ Ме шуа тіянлы: верӧсыс кӧ эновтӧ гӧтырсӧ, а гӧтырыс оз кырсав, да гӧтрасьӧ мӧдкӧд, сійӧ гозъякост олӧм пежалӧ. Юксьӧм аньӧс гӧтырӧ босьтысь тшӧтш пежалӧ».

Матвей 19:9 Referans Kwoze

Матвей 5:32

Ме шуа тіянлы: верӧсыс кӧ эновтӧ гӧтырсӧ, а гӧтырыс оз кырсав, сійӧ сетӧ помка гӧтырыслы пежавны гозъякост олӧм. Юксьӧм аньӧс гӧтырӧ босьтысь тшӧтш пежалӧ».

Лука 16:18

Гӧтырсӧ эновтысь да мӧдкӧд гӧтрасьысь гозъякост олӧм пежалӧ. Юксьӧм аньӧс гӧтырӧ босьтысь тшӧтш пежалӧ».

1 Коринфӧ 7:39

Индӧд серти гӧтыр кӧртасьӧма верӧсыскӧд, кытчӧдз верӧсыс ловъя. Кулӧ кӧ верӧсыс, гӧтыр вермӧ петны верӧс сайӧ, код сайӧ кӧсйӧ, сӧмын верӧсыс мед Господьлы эскис.

1 Коринфӧ 5:1

Ме кывлі, ӧткымынӧн пӧ тіян пӧвстысь кырсалӧны, и сідзи, мый татшӧмыс оз овлы весиг ентӧдтӧмъяс пӧвстын. Кодкӧ пӧ тіян пиысь узьлӧ весиг батьыслӧн гӧтырыскӧд.

Еремей 3:8

Израиль войтыр эновтіс Менӧ. Тадзи найӧ пежалісны йитӧдӧс, мый Ме кӧрталі накӧд. Та вӧсна Ме сеті Израиль войтырлы торйӧдчан гижӧд да вӧтлі сійӧс Ас дінысь. Ме аддзылі, мый та вылӧ видзӧдтӧг Иуда, сылӧн ылӧдчысь чойыс, эз повзьы, но ачыс кырсалысь ань моз тшӧтш сетчис мукӧд енъяслы.

Олӧм 20:3

Войнас Ен петкӧдчис Авимелеклы да шыасис сы дінӧ вӧтас: «Тэ кулан ань вӧсна, кодӧс босьтін аслыд, ӧд сылӧн эм верӧс».

Езекиль 16:29

Тэ кырсалін нӧшта калдеяса вузасьысьяслӧн муын. Но и тайӧ тэныд вӧлі этша на.

Езекиль 16:15

Но тэ лача кутін аслад мичлуныд вылӧ, нималігад тэ пондін кырсавны. Киысь киӧ ветлін да сетчин тэ дінті ветлысь-мунысьяслы.

Еремей 3:1

Господь тадзи висьталӧ: «Верӧсыс кӧ вӧтлас ассьыс гӧтырсӧ, и гӧтырыс кӧ верӧс дінсьыс мунӧм бӧрын петас мӧд сайӧ, сэки верӧсыс оз вермы сійӧс бӧр босьтны. А тадзи кӧ вӧчанныд, мунытӧ пежаланныд. Тэ, Израиль войтыр, кырсалысь ань моз сетчин мукӧд енъяслы, но ӧні бергӧдчы Ме дінӧ, – висьталӧ Господь. –

1 Коринфӧ 7:4

Абу гӧтыр аслас вир-яй вылын ыджыдыс, а верӧс. Абу верӧс аслас вир-яй вылын ыджыдыс, а гӧтыр.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

2 Каднебӧг 21:11

Иуда керӧсвыв муын Иорам вӧчис вись ваян мылькъяс. Сылӧн веськӧдлӧм улын Ерусалимын олысьяс кырсалысь ань моз сетчисны идолъяслы, тадзи сійӧ кежӧдіс Иуда войтырӧс веськыд туй вылысь.

Матвей 19:8

Исус вочавидзис: «Чорыд сьӧлӧмныд вӧсна Мӧисей лэдзис тіянлы эновтны гӧтыръяснытӧ. Водзынсӧ эз вӧв тадзи.

Матвей 19:10

Велӧдчысьясыс шуисны: «Бурджык, сідзкӧ, гӧтрасьтӧг овны».