Матвей 16:27 - Коми Библия 2023

²⁷ Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 16:27 Referans Kwoze

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

Псалтыр 62:12

Но ӧксы кутас нимкодясьны Енмӧн. Ен водзын кыв сетысь кутас ошкыны Енмӧс, а пӧръясьысьяслысь вомсӧ лоӧ тупкӧма.

Римӧ 2:6

Сэки Енмыс быдӧнлы мынтысяс уджыс серти.

Римӧ 14:12

Тадзи быдӧн ас вӧснаыс кывкутас Ен водзын.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

Ефесӧ 6:8

Тӧдӧй, мый быдӧн, кесйӧг кӧть мездлуна морт, босьтас Господьсянь удждонсӧ бур вӧчӧмыс серти.

Иуда 1:14

Тайӧ йӧзыс йылысь водзвыв висьтавліс Енок, Адамсянь сизимӧд чужанвужйысь петысь: «Со, локтӧ Господь Аслас лыдтӧм-тшӧттӧм вежа анделъяскӧд,

Шусьӧгъяс 24:12

Тэ шуан: «Ме нинӧм ог тӧд та йылысь», но Енмыс тӧдмалӧ сьӧлӧмъяс. Сійӧ видзӧ тэнсьыд олӧмтӧ да тӧдӧ тэнӧ, Сійӧ мынтысяс быдӧнлы уджъясыс серти.

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.

Иов 34:11

Сійӧ мынтысьӧ мортлы сылӧн уджъясыс серти, сетӧ сылы оласногыс кузя.

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Еремей 32:19

Тэнад шуӧмъясыд мывкыдӧсь, Тэнад уджъясыд вынаӧсь, Тэ аддзан мортлысь туйяссӧ, быдӧнлы мынтысян сылӧн туйясыс серти, сылӧн уджъяслӧн вотӧсыс серти.

Лука 21:27

Сэки аддзасны кымӧр вылын ыджыд вынӧн да дзирдлунӧн локтысь Морт Пиӧс.

Марк 14:62

Исус вочавидзис: «Ме. И ті аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Марк 8:38

Коді яндысяс Меысь да Менам кывъясысь тайӧ мыжа да пежас ылалӧм йӧз водзын, сыысь яндысяс Морт Пи, кор локтас вежа анделъяскӧд Батьыслӧн дзирдлунӧн».

Матвей 24:30

Сэки енэжас тыдовтчас Морт Пилӧн пас. Мувывса став йӧзыс ырзӧмӧн бӧрддзасны, кор аддзасны кымӧръяс вылын ыджыд вынӧн да дзирдлунӧн локтысь Морт Пиӧс.

Закар 14:5

Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.

Езекиль 7:27

Ӧксы пондас шогсьыны, юралысьяс повзясны, войтырыс весьӧпӧрас. Ме мынтыся налы олан туйныс серти, мыжда найӧс, кыдзи найӧ мукӧдӧс мыждісны. Сэки найӧ тӧдмаласны, мый Ме – Господь.

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

Ап. уджъяс 1:11

Найӧ шуисны: «Галилея войтыр, мый ті сулаланныд да видзӧданныд енэжас? Ті асланыд синмӧн аддзылінныд Исуслысь енэжӧ кыпӧдчӧмсӧ, тадзикӧн Сійӧ бӧр локтас».

Матвей 26:64

Исус вочавидзис: «Тэ шуин. Висьтала тіянлы: ӧнісянь аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

Лука 22:69

Ӧнісянь Морт Пи пондас пукавны Ставсӧвермысь Ен веськыдладорын».

Лука 9:26

Коді яндысяс Меысь да Менам кывъясысь, сыысь яндысяс Морт Пи, кор локтас Аслас дзирдлунӧн, Батьыслӧн да вежа анделъяслӧн дзирдлунӧн.

Матвей 13:49

Тадзи лоӧ нэм помасигӧн: анделъяс локтасны, торйӧдасны лёк йӧзӧс веськыда олысьясысь

Даниил 7:10

Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

1 Фессалоникаӧ 1:10

и виччысьны енэжсянь Енлысь Писӧ – Исусӧс, кодӧс Енмыс ловзьӧдіс кулӧмысь. Сійӧ мездас миянӧс локтана скӧрлунысь.

1 Фессалоникаӧ 4:16

Кор кылас чукӧстӧм шы, кор шыасяс архангел да кылас Енлӧн труба шыыс, Ачыс Господь лэччас енэжсяньыс. Сэки медводз ловзясны кулӧмаяс, кодъяс эскисны Кристослы.

Матвей 13:41

Морт Пи Ассьыс анделъяссӧ мӧдӧдас чукӧртны Аслас Юраланінысь став ыштӧдысьсӧ да лёк вӧчысьсӧ.

1 Коринфӧ 8:8

Но сёяныс оз матыст миянӧс Ен дінӧ. Ми кӧ огӧ сёйӧй – нинӧм огӧ воштӧй, а сёям кӧ – тайӧ нинӧм оз содты миянлы.

Матвей 8:20

Исус шуис сылы: «Ручьяслӧн эмӧсь пырмӧсъяс, и енэжвыв лэбачьяслӧн эмӧсь позъяс, сӧмын Морт Пилӧн шойччаніныс абу».

Еклесиаст 3:17

Ме мӧвпышті: веськыда олысьӧс и лёк вӧчысьӧс кутас мыждыны Ен, ӧд быд вӧчӧмторлы да лоӧмторлы эм аслас кад.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Иоан 21:22

Исус шуис Петырлы: «Ме кӧ кӧсъя, медым сійӧ оліс Менам локтӧдз, мый тэ майшасян та вӧсна? Тэ лок Ме бӧрся».

Иоан 21:23

Та вӧсна эскысьяс пӧвстын паськаліс сёрни, мый тайӧ велӧдчысьыс оз кув. Исус эз шу Петырлы, мый тайӧ велӧдчысьыс оз кув. Сійӧ шуис сӧмын: «Ме кӧ кӧсъя, медым сійӧ оліс Менам локтӧдз, мый тэ майшасян та вӧсна?»

1 Коринфӧ 3:13

но уджыс быдӧнлӧн ас кадӧ тыдовтчас. Тайӧс петкӧдлас мыждан луныс, ӧд сійӧ биӧн воас. Сэки биыс быдӧнлысь уджсӧ тӧдмалас.

1 Коринфӧ 15:23

Но быдӧн ас кадӧ ловзяс: медводз ловзис Кристос, сэсся Кристослӧн локтігас ловзяс Сылӧн войтырыс.

Колосӧ 3:25

А лёксӧ вӧчысьлы лёкыс вичмас. Енмыс оз видзӧд морт чужӧм вылӧ.

Яков 5:7

Вокъяс, терпитӧмӧн виччысьӧй Господьлысь локтӧмсӧ. Видзӧдлӧй, кутшӧм терпитӧмӧн му вӧдитысь виччысьӧ муыслысь дона быдтассӧ. Сійӧ виччысьӧ арся да тувсов зэръяс.

1 Иоан 2:28

Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.