Матвей 13:57 - Коми Библия 2023

⁵⁷ Тадзи Сійӧс ӧтдортісны. Исус шуис налы: «Пророкӧс пыдди пуктӧны быдлаын, сӧмын ас карас да ас гортас оз».

Матвей 13:57 Referans Kwoze

Иоан 4:44

Исус шуліс, пророкӧс пӧ ас муас оз пыдди пуктыны.

Матвей 11:6

Шуда сійӧ, коді оз ӧтдортчы Меысь».

Лука 4:24

Исус водзӧ шуис: «Веськыда висьтала тіянлы: пророкӧс ас муас оз сибӧдны.

Иоан 6:61

Исус тӧдіс, мый велӧдчысьясыс шуасьӧны, да шуис налы: «Тіянӧс ӧмӧй дӧзмӧдӧ Менам висьталӧмӧй?

Исай 53:3

Йӧзыс Сійӧс увтыртісны-ӧтдортісны, Сійӧ нуис уна сьӧкыдлун да висьӧм, а ми бергӧдім Сыысь ассьыным чужӧмнымӧс. Сійӧс увтыртісны, и ми нинӧм туйӧ пуктім Сійӧс.

Иоан 6:42

Найӧ сёрнитісны: «Абу-ӧ тайӧ Исус, Ӧсиплӧн пи? Ми ӧд тӧдам Сылысь бать-мамсӧ. Мыйла нӧ Сійӧ шуӧ, Ме пӧ лэччи енэжсянь?»

Лука 7:23

Шуда сійӧ, коді оз ӧтдортчы Меысь».

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 8:14

Сійӧ лоӧ вежа крамнас и крукасян изнас, кытчӧ крукасясны Израильлӧн кыкнан ӧксы рӧдыс, сійӧ лоӧ лэчкӧн да тывйӧн Ерусалимын олысьяслы.

Марк 6:14

Ирӧд ӧксы кыліс Исус йылысь. Исуслӧн нимыс паськыда кывсис. Ирӧд шуис, Пыртысь Иоан пӧ ловзьӧма, та вӧсна вермӧ вӧчны шензьӧданаторъяс.

Марк 6:3

Сійӧ ӧд тшупсьысь! Абу-ӧ Сійӧ Мариялӧн пиыс, абу-ӧ Яковлӧн, Иосейлӧн, Иудалӧн да Симонлӧн вокыс? Оз-ӧ тані овны Сылӧн чойясыс?» Тадзи Сійӧс ӧтдортісны.

Матвей 13:58

Йӧзыслӧн эскытӧм вӧсна Исус эз вӧч сэні уна шензьӧданатор.

Марк 6:1

Исус муніс сэтысь Аслас карӧ, Сылӧн велӧдчысьясыс мунісны Сы бӧрся.

Марк 6:4

Исус шуис налы: «Пророкӧс пыдди пуктӧны быдлаын, сӧмын ас карас, ас рӧдвуж пӧвстас да ас гортас оз».