Матвей 12:6 - Коми Библия 2023

⁶ Висьтала тіянлы: тані Сійӧ, коді крам дорысь ыджыдджык.

Матвей 12:6 Referans Kwoze

2 Каднебӧг 6:18

Збыльысь, му вылын-ӧ Енмыслы овны йӧзыскӧд? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті, оз вермы тӧрӧдны Тэнӧ.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Колосӧ 2:9

Кристосын, Сылӧн морт вир-яйын, тыдовтчис Енлӧн став тырвыйӧлуныс.

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Матвей 12:5

Ті ӧмӧй энӧ лыддьылӧй Индӧдысь, мый шойччан лунӧ попъяс уджалӧны крамын, но шойччан лунсӧ торкалӧмысь найӧ абу мыжаӧсь.