Матвей 12:46 - Коми Библия 2023

⁴⁶ Йӧзкӧд Исуслӧн сёрнитігкостіыс локтісны Сылӧн мамыс да вокъясыс. Найӧ сулалісны ывлаас да кӧсйисны сёрнитыштны Сыкӧд.

Матвей 12:46 Referans Kwoze

Матвей 13:55

Сійӧ ӧд тшупсьысьлӧн пи! Мамыс – Мария, а вокъясыс – Яков, Иосей, Симон да Иуда.

Иоан 2:12

Та бӧрти Исус мамыскӧд, вокъясыскӧд да велӧдчысьясыскӧд мунісны Капернаум карӧ. Сэтчӧ найӧ кольччисны лун-мӧд кежлӧ.

Иоан 7:5

Исуслӧн вокъясыс эз эскыны Сылы.

Иоан 7:3

Исуслӧн вокъясыс шуисны Сылы: «Эн кольччы татчӧ, мун Иудея муӧ, медым велӧдчысьясыд тшӧтш аддзасны Тэнсьыд уджъястӧ.

Ап. уджъяс 1:14

Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

Марк 6:3

Сійӧ ӧд тшупсьысь! Абу-ӧ Сійӧ Мариялӧн пиыс, абу-ӧ Яковлӧн, Иосейлӧн, Иудалӧн да Симонлӧн вокыс? Оз-ӧ тані овны Сылӧн чойясыс?» Тадзи Сійӧс ӧтдортісны.

Галатӧ 1:19

Мукӧд апостолсӧ ме эг аддзыв Господьлысь Яков воксӧ кындзи.

1 Коринфӧ 9:5

Гашкӧ, миянлы оз позь мукӧд апостолыс моз босьтны аскӧд эскысь гӧтырӧс? Ӧд тадзи вӧчӧны Господьлӧн вокъяс да Кифа.

Иоан 7:10

Но кор вокъясыс мунісны гажӧдчанінӧ, Исус тшӧтш муніс сэтчӧ гусьӧн.

Лука 2:48

Исусӧс аддзӧм бӧрын бать-мамыс чуймисны. Мамыс шуис Сылы: «Пиӧй, мыйла нӧ Тэ тадзи вӧчин? Ми батьыдкӧд сьӧлӧм потмӧн корсим Тэнӧ».

Лука 8:10

Исус шуис: «Тіянлы сетӧма тӧдны Ен Юралӧмлысь гусяторъяссӧ, а мукӧдыс кылӧны та йылысь велӧданвисьтъясысь: найӧ видзӧдӧны да оз аддзыны, кывзӧны да оз гӧгӧрвоны.

Марк 2:21

Важ паськӧмтӧ оз дӧмны выль дӧра дӧмасӧн. Тадзи кӧ вӧчан, выль дӧмас дортіыс нёйдас-косяссяс паськӧмыд, розьыс ёнджыка на ыдждас.

Иоан 2:5

Сэки мамыс шуис кесйӧгъяслы: «Ставсӧ вӧчӧй Сылӧн шуӧм серти».

Лука 2:33

Кага йылысь висьталӧмыс шензьӧдіс Сылысь мамсӧ да Ӧсипӧс.

Иоан 2:1

Кык лун мысти Канаын, галилеяса карын, вӧлі кӧлысь. Сэні вӧлі Исуслӧн мамыс.

Лука 2:51

Исус бӧр локтіс бать-мамыскӧд Назаретӧ да быдторйын кывзысис налысь. Сылӧн мамыс ставсӧ тайӧс видзис сьӧлӧмас.

Матвей 2:20

да шуис: «Чеччы, босьт кагатӧ мамыскӧд да бӧр мун Израиль муӧ. Кагатӧ вины кӧсйысьяс абу нин ловъяӧсь».

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Матвей 1:18

Исус Кристос чужис тадзи. Исуслӧн Мария мамыс вӧлі кикутӧма Ӧсипкӧд. Налӧн ӧтлаасьтӧдз на Мария, вӧлӧмкӧ, сьӧктӧма Вежа Ловсянь.

Иоан 19:25

Крест дорын сулалісны Исуслӧн мамыс, мамыслӧн чойыс, Клопаслӧн Марья нима гӧтырыс да Магдала Марья.

Лука 1:43

Коді нӧ ме сэтшӧмыс, мый Господьӧйлӧн мамыс локтӧ ме ордӧ?

Матвей 12:47

Ӧти морт шуис Исуслы: «Мамыд да вокъясыд ывлаасӧсь, Тэкӧд кӧсйӧны сёрнитны».

Лука 2:34

Симеон бурсиис найӧс да шуис Мариялы, Исус мамлы: «Тайӧ кагаыс понда Израильын унаӧн усясны да унаӧн сувтасны. Сійӧ – Енсянь индысьпас. Унаӧн кутасны мунны Сылы паныд,