Матвей 12:18 - Коми Библия 2023

¹⁸ – Со, Менам Кесъялысьӧй, Менам мусаӧй, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым Лолӧс. Сійӧ ваяс веськыда мыждӧм быд войтырлы.

Матвей 12:18 Referans Kwoze

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

1 Петыр 2:4

Сійӧ эм ловъя из, Енмыслы зэв дона. Йӧзыс Сійӧс ӧтдортісны, но Енмыс бӧрйис Сійӧс. Локтӧй Сы дінӧ

Исай 52:13

– Менам кесйӧглӧн ставыс кутас артмыны, Сійӧс кутасны бурӧ пуктыны, ыдждӧдлыны да нимӧдны.

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

2 Петыр 1:17

Ен Батьыс сетіс Сылы нимӧдӧмсӧ да дзирдлунсӧ, кор Вылысса дзирдлунсяньыс кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

Колосӧ 1:1

Гижӧ Павел, Ен кӧсйӧм серти Исус Кристослӧн апостол. Тимофей воккӧд

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Ап. уджъяс 14:27

Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ.

Ап. уджъяс 11:18

Тайӧс кылӧм бӧрын найӧ лӧнисны да ошкисны Енмӧс шуалӧмӧн: «Тыдалӧ, Енмыс ентӧдтӧмъяслы тшӧтш сетӧма позянлун бергӧдчыны мыжъяссьыс, мед и налӧн вӧлі олӧм».

Лука 23:35

Йӧзыс сулалісны да видзӧдісны. Юралысьяс накӧд сералӧмӧн шуалісны: «Мукӧдӧс мездіс – мед Асьсӧ ӧні мездас, Сійӧ кӧ Кристос, Енлӧн бӧрйӧмаыс».

Лука 9:35

Кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Лука 3:22

Вежа Лов гулю кодьӧн лэччис Сы вылӧ. Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Марк 9:7

Сэки локтіс кымӧр да вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Марк 1:11

Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Закар 3:8

Кывзӧй, Исус аркирей да тэкӧд кесъялысь попъяс! Ті – сійӧ пасыс, мый регыд Ме мӧдӧда Ассьым кесйӧгӧс, коді эм Выль Вож.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Исай 62:2

Сэки войтыръяс аддзасны тэнсьыд веськыдлунтӧ, став ӧксыяс аддзасны тэнсьыд дзирдлунтӧ, тэнӧ нимтасны выль нимӧн, тайӧ нимсӧ сетас тэныд Господь.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Матвей 12:17

Тадзи иніс Исай пророклӧн шуӧмыс: